भारतीय जनता पार्टीच्यावतीने दिव्यात रोजगार मेळावा

 

 

 

 

 

ठाणे : भारतीय जनता पार्टी व बिंदू फाउंडेशनच्या सहकार्याने दिव्यातील युवावर्गाला रोजगार उपलब्ध व्हावा, या उद्देशाने रोजगार मेळावा व प्रशिक्षण शिबिराचे आयोजन रविवारी करण्यात आले होते. भाजपचे भटके विमुक्त आघाडीचे प्रदेश सरचिटणीस शिवाजी आव्हाड यांच्याहस्ते या शिबिराचे उदघाटन करण्यात आले. बिंदु फाऊंडेशनच्या अध्यक्षा ऍड. बिंदू दुबे, दिवा मंडळ अध्यक्ष रोहिदास मुंडे, महिला मंडळ अध्यक्षा ज्योती पाटील, राजकांत पाटील, अंकुश मढवी यांनी हे शिबिर दिवा मंडळ पदाधिकारी यांच्या सहकार्याने आयोजित केले होते.