चांदोली धरणात वाढतेय 'नदी सुरय' पक्ष्यांची नवी पिढी; वीण वसाहतीची नोंद

 

 

चांदोली धरणाच्या पाणलोट क्षेत्रात निर्मनुष्य ठिकाणी नदी सुरय पक्ष्यांनी घरटी बांधल्याची माहिती वनपरिक्षेत्र अधिकारी नंदकुमार नलावडे यांनी दिली. उष्णतेमुळे धरणातील पाण्याच्या पातळीत घट झाली आहे. त्यामुळे धरणामध्ये पाण्याबाहेर आलेल्या छोट्या टेकड्या तयार झाल्या आहेत. या टेकड्यांवर २० ते २५ ठिकाणी आम्हाला २ ते ३ अंडी सापडली असून त्याठिकाणी लावलेल्या कॅमेरा ट्रॅपमध्ये नदी सुरय आणि त्यांच्या पिल्लांची छायाचित्र टिपण्यात आल्याचे त्यांनी सांगितले. चांदोली धरणामध्ये दरवर्षी नदी सुरय पक्षी आपली वीण वसाहत तयार करत असल्याची माहिती मानद वन्यजीव रक्षक अजितकुमार पाटील यांनी दिली. तसेच कोयना जलाशयातील बेटांमध्येही या पक्ष्यांची वीण वसाहत होत असल्याचे त्यांनी सांगितले.