पाककडून 'गझनवी' क्षेपणास्त्राची चाचणी

हे क्षेपणास्त्र जमिनीवरून जमिनीवर मारा करणारे आहे. जवळपास २९० किलोमीटर अंतरापर्यंत हे क्षेपणास्त्र मारा करते. या क्षेपणास्त्राच्या चाचणीसाठीच पाकिस्तानने कराचीचा हवाई मार्ग बंद ठेवला होता. पाकिस्तानी लष्कर प्रवक्ते मेजर जनरल असिफ गफूर यांनी दिलेल्या माहितीनुसार, पाकिस्तानातील कराचीजवळ सोनमियानी प्रक्षेपण चाचणी केंद्रावरून 'गझनवी' क्षेपणास्त्राची चाचणी करण्यात आली. ही चाचणी रात्रीच्या वेळेस करण्यात आल्याचा उल्लेख त्यांनी आपल्या ट्विटमध्ये केला. पाकिस्तानचे पंतप्रधान इमरान खान यांनीही सैन्याचे या चाचणीबद्दल अभिनंदन केले आहे.