भारतीय लष्कराचे ‘ऑपरेशन केल्लर’, शोपियानमध्ये ३ दहशतवाद्यांचा खात्मा

13-May-2025

Total Views | 90

3 terrorists killed in operation Keller of Indian army

नवी दिल्ली: विशेष प्रतिनिधी मंगळवारी दक्षिण काश्मीरच्या शोपियान जिल्ह्यातील केलर येथील शुक्रू वनक्षेत्रात लष्कर-ए-तोयबा (एलईटी) शी संबंधित तीन दहशतवादी मारले गेले आहेत.

एका वरिष्ठ पोलिस अधिकाऱ्याने दिलेल्या माहितीनुसार, मंगळवारी सकाळी केलरच्या जंगलात काही दहशतवादी असल्याची माहिती मिळाल्यानंतर तेथे मोठ्या प्रमाणात घेराबंदी आणि शोध मोहीम सुरू करण्यात आली.

केलरच्या शुक्रू वनक्षेत्रात सुरक्षा दलांनी शोध मोहीम सुरू केली असता, या भागात लपलेल्या दहशतवाद्यांनी पोलिस आणि लष्करी जवानांच्या संयुक्त पथकावर गोळीबार केला, ज्यामुळे जोरदार गोळीबार झाला. त्यानंतर झालेल्या गोळीबारात लष्कर-ए-तोयबाशी संबंधित तीन दहशतवादी मारले गेले आहेत. शाहिद अहमद कुट्टे, अदनान शफी अशी त्यातील दोघांची नावे आहेत.