विशेष शेअर बाजार सत्र विश्लेषण व पुढील आठवड्याचा आढावा जाणून घ्या..

 

 

पुढील आठवडा कसा असेल त्यावर ज्येष्ठ बाजार अभ्यासक अजित भिडे म्हणाले, ' मागील आठवड्यात भारतीय शेअर बाजारातील तेजीमुळे जवळजवळ ११०० अंकाची तेजी आपण पाहिली. निफ्टीने ही अशीच तेजी अनुभवली.त्यात डिफेन्स, टेक्नॉलॉजी, बॅक,ऑटोमोबाईल,टेलिकॉम वगैरे शेअर्स तेजीत होते. सुदैवाने अमेरिकेतील Consumer price index थोडाफार ठिकठाक आलाय. त्यानंतर विदेशी संस्थांमार्फत विक्री थोडी कमी झाली व आजतर नेट खरेदी १६१६ रुपयाची त्यांच्याकडून करण्यात आली.

 

अमेरिकन व्याज दरात कपातीचे संकेत बाजाराला आहेत. फेड रिझर्व ने 2024 मधे तीन वेळा व्याजदर कपात करण्याचे घोषित केले आहे.त्याकरीता वातावरण निर्मिती आवश्यक आहे. महागाई निर्देशांक,सीपीआय, यावर कंट्रोल आल्यास जुलै ते सप्टेंबर या सभामधून व्याजदर कपात होऊ शकेल असे वाटतेय. अमेरिकेतील बाॅड मार्केट स्टेबल होत आहे.ते सुद्धा आपल्या साठी खुप महत्वाचे आहे. रशिया युकरेन युद्ध आजही चालु आहे. परंतु रशियाची आर्थिक परिस्थिती सुधारली आहे तसेच अमेरिकेला डिफेन्स ऑर्डर पुढील २५ वर्षे पुरतील एवढया मिळाल्या आहेत. आर्थिक परिस्थिती सुधारण्याच्या दृष्टीने व्याजदर कपात ही आवश्‍यक बाब ही आहेच. तसेच अमेरिकेवरील कर्ज व कर्जावरील वाढते व्याज हादेखील निवडणूकीतील एक मुद्दा आहे.

 

त्यामुळेच नोव्हेंबर मधे होणारी निवडणूकी नजरेसमोर ठेऊन आर्थिक घडी व्यवस्थित करणे जरुरी आहे. अमेरिकेत व्याज दरात कपात झाल्यास आपल्या कडील विदेशी संस्थांमार्फत गुंतवणूक वाढेल, तसेच गुंतवणूकीचे वातावरण सकारात्मक होत राहील. एकेका म्युच्युअल फंडात एका आठवड्यात १५००० ते १६००० कोटी गुंतवणूक येत राहतील व भारतीय बाजार भक्कम होत राहील. म्हणजेच पुढील नवीन सरकार अपेक्षेप्रमाणेच असेल. आंतरराष्ट्रीय परिस्थिती सुधारत आहे या सगळीकडे बाजार लक्ष ठेऊन आहे. पुढील आठवडा बाजारात सुधारणा होत राहील असे दिसत आहे.