आयकर विभागाच्या छापेमारीनंतर आझम खान म्हणतात- "मैं मुर्गी चोर हूं...."

नवी दिल्ली : वादग्रस्त भाषणप्रकरणी न्यायालयाच्या चक्करा मारणारे सपा नेते आझम खान यांच्या घरावर आयकर विभागाने टाकलेल्या छाप्यामुळे त्यांच्या अडचणीत वाढ झाली आहे. गाझियाबादमध्ये ते म्हणाले की, एकीकडे मी बकरी, कोंबडी आणि पुस्तक चोर आहे, पण दुसरीकडे छापा मारला जातो. लोकसभा निवडणुकीत इंडिया अलायन्सच्या प्रचाराच्या प्रश्नावर आझम खान म्हणाले की, त्यावेळी मी कुठे असेल हे मला माहीत नाही. काव्यमयपणे उत्तर देताना आझम खान म्हणाले की, "बहारें मुझको ढूंढेंगी, न जाने मैं कहां हूंगा।" दरम्यान त्यांनी पंतप्रधान नरेंद्र मोदी यांना वाढदिवसानिमित्त शुभेच्छा दिल्या. त्यात पंतप्रधान नरेंद्र मोदी यांना देशाची महान व्यक्ती म्हणून संबोधले. आणि जे पंतप्रधान मोदींनी केले ते कोणीही केलेले नाही, असे ही खान म्हणाले.

आझम खान गाझियाबादमध्ये माध्यमांशी बोलत होते. यावेळी त्यांनी पंतप्रधान नरेंद्र मोदी, त्यांच्याविरुद्ध सुरू असलेले खटले आणि प्राप्तिकर विभागाचे नुकतेच टाकलेले छापे यावर मत व्यक्त केले. पंतप्रधान नरेंद्र मोदी यांना वाढदिवसानिमित्त शुभेच्छा देताना आझम खान म्हणाले की, ते शांततेने देश चालवतील. प्रेमाची स्थापना होईल. द्वेष संपेल. सत्तेत असो वा नसो, त्यांचे नाव जिवंत ठेवण्यासाठी त्यांच्यापूर्वी कोणीही केले नसेल ते ते करतील, आम्हाला ही अपेक्षा आहे आणि त्यांनी हे केले पाहिजे कारण ते या देशातील सर्वात मोठे व्यक्ती आहेत.