नाशिकमधील बिबट्या वनविभागाच्या पथकाकडुन जेरबंद

त्र्यंबकेश्वर तालुक्यातील पिंपळद, धुमोडी, वेळुंजे, ब्राम्हणवडे या गावांमध्ये मानव-बिबट संघर्षाच्या काही घटना घडल्या होत्या. नाशिक पश्चिम वनविभागाच्या पथकामार्फत गेले अनेक दिवस बिबट्याला पकडण्याच्या प्रयत्नांना आता यश मिळाले आहे.

या बिबट्याला पकडण्यासाठी पिंजरे आणि कॅमेरा ट्रॅप्स लावण्यात आले होते. सोमवारी सकाळी हा बिबट शेतात असल्याचे लक्षात येताच वन विभागाच्या बचाव पथकाने बिबट्यावर जाळी टाकुन व त्यानंतर डार्ट मारुन त्याला जेरबंद केले. हा बिबट्या सध्या वनविभागाच्या अखत्यारीत असुन त्याला अभयारण्यात सोडण्याबाबत अद्याप कोणताही निर्णय झालेला नाही, अशी माहिती वनविभागाकडुन देण्यात आलेली आहे.