महुआ मोईत्रांनी दुबईत तयार केले होते संसदेत विचारलेले प्रश्न! जय अनंत देहाडराय यांचा खुलासा
Total Views |
_202311151919290464_H@@IGHT_392_W@@IDTH_696.jpg "Mahua Moitra")
नवी दिल्ली : तृणमूल काँग्रेसच्या खासदार महुआ मोईत्रा यांच्यावर त्यांचा एक्स बॉयफ्रेंड जय अनंत देहाडराय यांनी पुन्हा एकदा गंभीर आरोप केले आहेत. महुआ मोईत्रांनी संसदेत विचारलेले प्रश्न हे दुबईत तयार केले असल्याचे त्यांनी म्हटले आहे. तसेच दिल्ली कॅनिंग लेनमध्ये पंतप्रधान मोदींना शिव्या देणारी भाषणे लिहिली असल्याचेही त्यांनी म्हटले आहे.
जय अनंत देहाडराय यांनी 'X' वर पोस्ट करत हे आरोप केले आहेत. ते म्हणाले की, "संसदेत विचारलेले प्रश्न दुबईमध्ये तयार केले गेले. कॅनिंग लेनमध्ये नरेंद्र मोदींच्या विरोधात भाषणे तयार करण्यात आली होती. त्यांचा स्मृतीभ्रंशाचा आजार संपेल तेव्हा फर्निचर आणि रोलेक्स व्यतिरिक्त २ कोटी रुपये मिळतील,” असेही ते म्हणाले आहेत.
Pathological liar should first explain how “questions” were sent to mystery “typist.”
— Jai Anant Dehadrai (@jai_a_dehadrai) November 14, 2023
Telepathy?
Questions were “made” in Dubai.
Speeches abusing Narendra Modi were made in Canning Lane.
When amnesia wears off, 2 Crores will also be found - minus the furniture and Rolex.
देहाडराय यांनी दुसऱ्या एका पोस्टमध्ये म्हटले की, "महुआने आपल्या घरी पोलिस पाठवत दोन खोट्या तक्रारी दाखल करण्याची धमकी दिली. तसेच हेन्री नावाचा कुत्रा तिच्याकडे सोपवून त्याच्या मालकीसंबंधीच्या कागदपत्रांवर स्वाक्षरी करण्यासाठी दबाव टाकला गेला," असेही त्यांनी म्हटले आहे.
Victim or Criminal?
— Jai Anant Dehadrai (@jai_a_dehadrai) November 15, 2023
MP sent police to my home - I was threatened with 2 bogus complaints - forced to send Henry and sign his ownership over to her - refused.
Cops understood the dirty game - told me madam threw a tantrum.
Trail of filth from Canning Lane to Dubai.
दरम्यान, खासदार महुआ मोइत्रांवर संसदेत प्रश्न विचारण्यासाठी पैसे आणि भेटवस्तू घेतल्याचा आरोप आहे. भाजप खासदार निशिकांत दुबे यांनी हे आरोप केले आहेत. संसदेच्या आचार समितीने या आरोपांची चौकशी केली असून आपल्या अहवालात महुआ मोइत्रांचे सदस्यत्व रद्द करण्याची शिफारस केली आहे.
आता महाMTBच्या बातम्या आणि लेख मिळवा एका क्लिकवर. Facebook, Twitter, Instagram वर आम्हाला फॉलो करा, महाMTB You tube चॅनलला सबस्क्राईब करा. डाऊनलोड करा महाMTB App.