१५ ऑगस्टला श्रद्धा कपूर, अक्षय कुमार येणार आमने-सामने; एकूण ४ चित्रपटांची होणार टक्कर

 

 

 

मुंबई : ओटीटी वाहिनीवर प्रेक्षकांसांठी मनोरंजनाची मेजवानी तर आहेच पण चित्रपटगृहातही अनेक चित्रपट प्रदर्शित होणार आहेत. त्यापैकी ४ चित्रपट चक्क एकाच दिवशी प्रदर्शित होणार असून काटें की टक्कर पाहायला मिळणार आहे. १५ ऑगस्ट रोजी बहुचर्चित आणि प्रतिक्षित स्त्री २ प्रदर्शित होणार असून याच दिवशी अक्षय कुमारचा खेल खेल में हा चित्रपटही प्रदर्शित होणार आहे. पण आता या २ चित्रपटांसोबत आणखी २ चित्रपटही प्रदर्शित होणार आहेत. त्यामुळे एकाचदिवशी प्रेक्षकांचा प्रचंड गोंधळ उडणार यात शंका नाही.

 

श्रद्धा कपूर आणि राजकुमार राव यांची प्रमुख भूमिका असणाऱ्या 'स्त्री' चित्रपटाचा दुसरा भाग कधी येणार याची प्रेक्षक आतुरतेने वाट पाहात होते. अखेर ती प्रतिक्षा संपली असून १५ ऑगस्ट २०२४ रोजी स्त्री २ प्रदर्शित होणार आहे.

 

अभिनेता जॉन अब्राहमचा आगामी 'वेद' ‘ स्त्री २’ ला टक्कर देणार आहेत. याही चित्रपटात जॉन अब्राहम पुन्हा एकदा ॲक्शन करताना दिसणार आहे. दरम्यान, १५ ऑगस्टलाच प्रदर्शित होणाऱ्या या चित्रपटात जॉनसोबत ‘मुंज्या’ फेम अभिनेत्री शर्वरी वाघ झळकणार आहे.

 

सरफिरा चित्रपटानंतर लगेचच अक्षय कुमारचा ‘खेल खेल में’ १५ ऑगस्टला प्रदर्शित होणार आहे. या चित्रपटात फरदीन खान, तापसी पन्नू, वाणी कपूर, ॲमी विर्क, प्रज्ञा जैस्वाल आणि आदित्य सील हे कलाकार दिसणार आहेत.

 

दिग्दर्शक हरीश शंकर यांचा 'मिस्टर बच्चन' चित्रपट १५ ऑगस्टलाच प्रदर्शित होणार असून अजय देवगणची प्रमुख भूमिका असणाऱ्य़ा 'रेड'चा अधिकृत रिमेक आहे.