जागतिक कीर्तीचे अर्थतज्ज्ञ, माजी पंतप्रधान डॉ. मनमोहन सिंग यांचे निधन

नवी दिल्ली :   भारताचे माजी पंतप्रधान डॉक्टर मनमोहन सिंग यांचे गुरुवारी रात्री नवी दिल्ली येथे वयाच्या ९२ व्या वर्षी निधन झाले. ते सलग दहा वर्षे भारताचे पंतप्रधान होते. भारताचे माजी पंतप्रधान डॉक्टर मनमोहन सिंग यांचे गुरुवारी रात्री निधन झाले. अखिल भारतीय आयुर्विज्ञान संस्था अर्थात एम्सने त्यासंबंधीची अधिकृत घोषणा केली. डॉक्टर मनमोहन सिंग यांच्यावर वृद्धपकाळामुळे उपचार सुरू होते. दिनांक 26 रोजी ते आपल्या घरी अचानक बेशुद्ध पडले, त्यानंतर त्यांना रात्री आठ वाजून सहा मिनिटांनी एम्स येथे दाखल करण्यात आले होते.

त्यांच्यावर आपत्कालीन उपचार तत्काळ सुरू करण्यात आले, मात्र त्यांनी उपचारांना प्रतिसाद दिले नाही आणि रात्री नऊ वाजून 51 मिनिटांनी त्यांचे निधन झाले, अशी माहिती एम्स तर्फे देण्यात आली आहे. डॉक्टर मनमोहन सिंग हे सलग दहा वर्षे देशाचे पंतप्रधान होते. 2004 साली काँग्रेस प्रणित संयुक्त पुरोगामी आघाडीस बहुमत मिळाले, त्यावेळी मनमोहन सिंग यांना पंतप्रधान करण्यात आले. पुढे 2009 साली त्यांच्या नेतृत्वाखाली संयुक्त पुरोगामी आघाडीने पुन्हा बहुमत मिळवले आणि डॉक्टर मनमोहन सिंग हे सलग दुसऱ्यांदा पंतप्रधान झाले होते.

डॉक्टर मनमोहन सिंग हे जागतिक दर्जाचे अर्थतज्ञही होते. डॉ.मनमोहन सिंग हे भारताचे माजी पंतप्रधान आणि सुप्रसिद्ध अर्थतज्ञ होते. 1991 मध्ये त्यांनी देशाच्या आर्थिक सुधारणांमध्ये महत्त्वाची भूमिका बजावली. अर्थमंत्री म्हणून त्यांनी उदारीकरण, खाजगीकरण आणि जागतिकीकरणाची धोरणे राबवून भारतीय अर्थव्यवस्थेला नवी दिशा दिली. त्यांच्या योगदानासाठी त्यांना पद्मविभूषणसह अनेक प्रतिष्ठित पुरस्कारांनी सन्मानित करण्यात आले. 1991 मध्ये पीव्ही नरसिंह राव सरकारमध्ये अर्थमंत्री म्हणून डॉ. मनमोहन सिंग यांनी भारतीय अर्थव्यवस्थेला आकार दिला. त्यांनी उदारीकरण, खाजगीकरण आणि जागतिकीकरणाची धोरणे स्वीकारली. या धोरणांमुळे देशाची अर्थव्यवस्था जागतिक बाजारपेठेसाठी खुली झाली. यामुळे खाजगी क्षेत्राला प्रोत्साहन मिळाले आणि परदेशी गुंतवणूक आकर्षित झाली. त्यामुळे भारतीय अर्थव्यवस्थेत झपाट्याने वाढ झाली होती.

माजी पंतप्रधान डॉ. मनमोहन सिंग यांच्या निधनावर पंतप्रधान नरेंद्र मोदी यांनी शोक व्यक्त केला आहे. पंतप्रधान मोदी म्हणाले, 'भारतातील सर्वात प्रतिष्ठित नेते डॉ. मनमोहन सिंग यांच्या निधनाने शोक व्यक्त होत आहे. सामान्य कुटुंबातून उदयास आलेले ते एक प्रसिद्ध अर्थतज्ञ बनले. त्यांनी अर्थमंत्र्यांसह विविध सरकारी पदे भूषवली आणि गेल्या काही वर्षांत त्यांनी आपल्या आर्थिक धोरणावर एक मजबूत छाप सोडली. त्यांचा संसदेतील हस्तक्षेपही व्यावहारिक होता. आपले पंतप्रधान या नात्याने त्यांनी लोकांचे जीवनमान सुधारण्यासाठी व्यापक प्रयत्न केले.