"गणपती दर्शनात राजकीय दृष्टीने न पाहिलेलं बरं!"- मुख्यमंत्री एकनाथ शिंदे

मुंबई : मुख्यमंत्री एकनाथ शिंदे यांनी मनसे अध्यक्ष राज ठाकरे यांच्या दादर येथील 'शिवतीर्थ' या निवासस्थानी श्री गणरायाचे मनोभावे दर्शन घेतले. यावेळी राज ठाकरे यांच्या पत्नी शर्मिला राज ठाकरे, त्यांचे सुपुत्र अमित राज ठाकरे, मनसे नेते नितीन सरदेसाई तसेच ठाकरे कुटुंबातील अन्य सदस्य उपस्थित होते. राज ठाकरे यांच्या घरातील बाप्पाचे दर्शन घेतल्यानंतर मुख्यमंत्री एकनाथ शिंदे यांनी माध्यमांशी संवाद साधला. 

यावेळी ते म्हणाले, राज ठाकरे यांच्यासोबत कोणत्याही राजकीय विषयांवर चर्चा झाली नाही, राजकीय दृष्टीनं हे दर्शन न पाहिलं तर बरं होईल, दरवर्षी मी गणपती दर्शनाला जातो. राज साहेबांकडे देखील गणपती दर्शनाला जातो; असे म्हणत शिंदे यांनी विरोधकांवर जोरदार हल्लाबोल केला. तर राज्यात चांगला पाऊस होऊ दे आणि बळीराजाचं संकट दूर होऊ दे, असे मागणं मागत गणपती बाप्पा महाराष्ट्रावरचं संकट दूर करेल, असा विश्वासही त्यांनी व्यक्त केला.

ईको फ्रेंडली गणेशोत्सव साजरा करा, जिंका ५१ हजारांचे बक्षीस!

https://bit.ly/3RpZbSq