काय आहे इस्त्रोची संपूर्ण मोहिम? जाणून घ्या..

31-Aug-2023

Total Views | 54

मुंबई : भारताची पहिली सौर मोहिम आदित्य एल-१ लवकरच प्रक्षेपिण होणार आहे. २ सप्टेंबर रोजी सकाळी ११.५० वाजता श्रीहरीकोटा येथून आदित्य एल-१ प्रक्षेपित केले जाणार आहे. चांद्रयान-३ च्या यशानंतर आता आदित्य एल-१ कडे सर्वांच्या नजरा लागल्या आहेत.

आदित्य एल-१ मधील एल-१ हा सुर्य आणि पृथ्वी यांच्या मध्ये असलेला लांग्रेज पाँईंट आहे. हा पाँईंट पृथ्वीपासून १.५ दशलक्ष किमी अंतरावर असून या पाँईंटवर आदित्य एल-१ प्रक्षेपित करण्यात येणार आहे. हे यान PSLV-C57 द्वारे प्रक्षेपिक केले जाणार आहे. सुर्याला आदित्य असेही म्हटले जाते त्यामुळे या मोहिमेचे नाव आदित्य एल-१ असे ठेवण्यात आले आहे.

अंतराळात एल-१, एल-२, एल-३, एल-४ आणि एल-५ असे पाच लांग्रेज बिंदू आहेत. यातील एल-१, एल-२ आणि एल-३ हे बिंदू सूर्य आणि पृथ्वीच्या केंद्रांना जोडणाऱ्या रेषेवर आहेत. एल-१ बिंदू हा पृथ्वी आणि सुर्याच्या मध्ये आहे. याठिकाणी शुन्य गुरुत्वाकर्षण शक्ती आहे. तसेच या बिंदूवर कमी उर्जा असते त्यामुळे हा बिंदू संशोधनासाठी उपयुक्त आहे.

लांग्रेज पाँईंटपर्यंत पोहोचण्यासाठी आदित्य एल-१ ला चार महिने लागणार आहेत. वेगवेगळी कक्षा पार करत आदित्य एल-१ आपल्या निश्चित स्थानापर्यंत पोहोचणार आहे. आदित्य एल-१ मोहिमेतून सुर्याचे तापमान, ओझोनचा थर यांसारख्या गोष्टींचा अभ्यास करण्यात येणार आहे.