नवी दिल्ली : विश्वचषकातील भारत आणि पाकिस्तान यांच्यातील महामुकाबला अहमदाबादच्या नरेंद्र मोदी स्टेडियमवर खेळविण्यात आला होता. यासामन्यात भारताने पाकचा दारुण पराभव केला होता. या सामन्यादरम्यान, स्टेडियमवर प्रेक्षकांची तोबा गर्दी पाहायला मिळाली होती.

१९ ऑक्टोबरला रोजी पुण्यात झालेल्या भारत-बांगलादेश सामन्यात समालोचन करताना पठाणने हा खुलासा केला होता. तो म्हणाला, “आम्ही पेशावरमध्ये खेळत होतो तेव्हा एका चाहत्याने माझ्यावर खिळा फेकला, जो माझ्या डोळ्याखाली लागला. मी गंभीर जखमी होऊ शकलो असतो. सामना १० मिनिटे थांबवण्यात आला होता, पण आम्ही चांगले क्रिकेट खेळत असल्यामुळे आम्ही त्याकडे लक्ष दिले नाही. तो पुढे म्हणाला, पाकिस्तान क्रिकेट बोर्डाने (पीसीबी) भारतीय प्रेक्षकांची तक्रार करण्यापूर्वी स्वतःच्या कारभारात लक्ष घालावे. यामुळे खेळाडूंच्या भावना दुखावल्या जाणार होत्या.

१४ ऑक्टोबर रोजी अहमदाबादच्या नरेंद्र मोदी स्टेडियमवर भारताविरुद्ध झालेल्या दारूण पराभवानंतर पाकिस्तानने आयसीसीकडे तक्रार केली होती. पाकिस्तानी खेळाडू पॅव्हेलियनमध्ये परतत असताना काही चाहत्यांनी धार्मिक घोषणा दिल्याचे सांगण्यात आले. यामुळे खेळाडूंच्या भावना दुखावल्या जाणार होत्या, असेही म्हटले गेले होते.