राम मंदिर झालं आता 'राफेल'वरून पवारांची टीका

सीएनएन न्यूज18 लोकमत या मराठी वृत्तवाहिनीला मुलाखत देताना ते म्हणाले, भारतने हवाई दलात राफेल विमाने सामिल केली ही नक्कीच चांगली बाब आहे. राफेलच्या ताफ्यात सामिल होण्यानं नक्कीच हवाई दलाची ताकद वाढेल. पण ते गेमचेंजर ठरणार नाही. कारण राफेलच्या हवाई दलाच्या ताफ्यात सामिल होण्याने  चीनला कदाचित कोणतीही काळजी वाटणार नाही. ते आपल्यापासून खुप म्हणजे खुपच पुढच्या टप्प्यावर आहेत. आपल्यात आणि त्यांच्यात कोणत्याही प्रकारची तुलना करता येणार नाही, असे शरद पवार म्हणाले. तसेच जर भारताने सुरक्षेच्या दृष्टीने १० गोष्टी केल्या तर चीन १ हजार गोष्टी करेल. चीन आणि भारतात एवढी तफावात आहे. राफेलच्या येण्याने चीनला त्याची काळजी वाटेल असे मला वाटत नाही. भारताने राफेल हवाई दलात सामावून घेतले आहे हे चांगले आहे. त्यामुळे हवाई दलाची ताकद नक्कीच वाढणार आहे. पण ते गेमचेंजर ठरेल असे वाटत नाही, असेही म्हंटले आहे.