काँग्रेसला मोठा धक्का! बड्या नेत्याला एमआयएमची ऑफर

 

 

इम्तियाज जलील यांनी आपल्या 'X' अकाऊंटवर पोस्ट करत नसीम खान यांना सल्ला दिला. ते म्हणाले की, "केवळ स्टार प्रचारक पदाचा राजीनामा का? तुम्ही अशा पक्षाचा राजीनामा द्यावा ज्याला मुस्लिमांचे नेतृत्व नाही तर केवळ मुस्लिम मते हवी आहेत. आम्ही तुम्हाला मुंबईत एमआयएम पक्षाचे तिकीट द्यायला तयार आहोत. तुम्ही त्यावर निवडणूक लढवावी. ही एक चांगली संधी आहे. त्यामुळे थोडी हिंमत दाखवा आणि संधीचा फायदा घ्या," असा सल्ला इम्तियाज जलील यांनी नसीम खान यांना दिला आहे.

 

 

"काँग्रेसने सध्याच्या लोकसभा निवडणूकीत महाराष्ट्रातील ४८ जागांपैकी एकाही जागेवर अल्पसंख्यांक समाजाचा उमेदवार दिला नसल्याने समाजात तीव्र नाराजी आहे. निवडणूकीच्या पहिल्या आणि दुसऱ्या टप्प्यात मी अनेक ठिकाणी जाऊन पक्षाचा प्रचार केलेला आहे. परंतू, तिसऱ्या, चौथ्या आणि पाचव्या टप्प्यामध्ये मी स्टार प्रचारक आणि महाराष्ट्र प्रचार समितीचा राजीनामा दिला आहे," अशी माहिती नसीम खान यांनी दिली.