येत्या २४ आणि २५ फेब्रुवारी रोजी ठाण्यात 'नमो महारोजगार मेळावा'! मंत्री लोढांची माहिती

 

"या मेळ्याव्यात ४०० हून अधिक स्टॉल्स असणार आहेत. भारतात काम करु इच्छिणाऱ्या मोठमोठ्या कंपन्या याठिकाणी आपले स्टॉल लावणार आहेत. याशिवाय व्यक्तिमत्त्व विकास, कृत्रिम बुद्धीमत्ता आणि सॉफ्ट स्किल्स विकासाचे सत्रदेखील घेण्यात येणार आहे. विशेष म्हणजे यावेळी महारोजगार मेळाव्याच्या पुर्वी इच्छुक मुलामुलींसाठी प्रशिक्षणदेखील आयोजित करण्यात येईल. मेळावा संपल्यानंतरही जोपर्यंत रोजगार मिळत नाही तोपर्यंत आम्ही त्यांच्यासोबत राहणार आहोत. कोणीही या मेळ्याव्यातून रिकाम्या हाताने जाणार नाही," असे आश्वासनही त्यांनी दिले आहे. तसेच इच्छुक विद्यार्थ्यांनी http://rojgar.mahaswayam.gov.in या संकेतस्थळावर नोंदणी करण्याचे आवाहनही मंत्री लोढांनी केले आहे.

 

स्थळ : हायलँड ग्राउंड, ढोकाळी, माजीवडा, ठाणे पश्चिम

वेळ : सकाळी १०.०० ते सायंकाळी ५.००