‘लव्ह आणि ड्रग्ज जिहाद’चा धोका ओळखा

योगिता साळवी यांनी ‘लव्ह जिहाद’ आणि ’ड्रग्ज जिहाद’मध्ये मुलींच्या फसण्याच्या अनेक बाबींचा उहापोह केला. “लव्ह जिहादमध्ये फसण्याचे कारण काय? तर जीवनामध्ये धर्म संस्कार आणि संस्कृतीचा अभाव. कुटुंब ही एक शक्ती आहे, माता पिता हे मुलावर निःस्वार्थी प्रेम करतात. त्यांच्या प्रेमाची, विश्वासाची जाणीव पाल्यांनी ठेवायला हवी. तरच पाल्य, मुली, विद्यार्थिनी आयुष्यात प्रगती करत उज्ज्वल भवितव्य घडवू शकतात,” असे वक्तव्य साळवी यांनी केले. त्यांनी ’लव्ह जिहाद’, ’ड्रग्ज जिहाद’ म्हणजे काय? त्याची कारणे, त्याचा व्यक्ती, कुटुंब आणि समाज तसेच देशावर होणारा दुष्परिणाम याची विस्तृत माहिती देताना मुलींना सजग राहण्याचे आवाहन केले.

योगिता साळवी यांनी आपल्या व्याख्यानात 'लव्ह जिहाद'च्या सत्य घटना सांगितल्या. उज्ज्वल भवितव्यासाठी मुलींनी सावध राहायला हवे, संस्कार, संस्कृती जपली पाहिजे. कायदा तुमच्यासोबत आहे, समाज तुमच्यासोबत आहे," असे त्या म्हणाल्या. आम्ही कुटुंब, समाज आणि देशाच्या भवितव्यासाठी उज्ज्वल स्वप्ने पाहू. 'लव्ह जिहाद'च्या जाळ्यात फसणार नाही, धर्म संस्कार मूल्य जपत उज्ज्वल भविष्य घडवू, अशी ग्वाही यावेळी शेकडो विद्यार्थिनींनी दिली.