असदुद्दीन ओवैसी म्हणतात, "बस थांबवून नमाज अदा केली तर..."

ओवैसी म्हणाले, “बस उत्तर प्रदेशातील बरेली येथून जात होती. वाटेत बस थांबल्यावर काही मुस्लिम म्हणाले, भाई, तीन मिनिटे थांबा. आम्ही नमाज अदा करतो. तिथे फक्त दोन मुस्लिमांनी नमाज अदा केली.त्यामुळे ड्रायव्हर कृष्णपाल सिंहला निलंबित करण्यात आले आणि मोहित यादवला बडतर्फ करण्यात आले.

दरम्यान या घटनेवर ओवैसी म्हणाले की, " बस थांबवून नमाज अदा केला तर काय कयामत आली का? नमाज अदा करणे हा गुन्हा असेल तर संपूर्ण सरकारी कार्यालयांमध्ये धार्मिक चिन्हे नसावीत. कोणत्याही जिल्हाधिकारी कार्यालयाचे, सचिवालयाचे उद्घाटन असो, कोणताही धार्मिक उत्सव असू नये. बस दोन मिनिटे थांबल्यावर आपण बसच्या चालकाला निलंबित केले आणि कंत्राटी कर्मचारी कंडक्टर मोहित यादव याला बडतर्फ केले" , असा सवाल ओवैसी यांनी केला आहे.