सलीम कुत्ता जीवंत आहे की गेला?

गेल्या काही दिवसांपासून एक नाव महाराष्ट्रात चर्चेत आहे. ते नाव म्हणजे सलीम कुत्ता! या सलीम कुत्तासोबत उबाठा गटाच्या नाशिक महानगरप्रमुखाने पार्टी केल्याची माहिती नितेश राणे यांनी दि. १५ डिंसेबर रोजी विधानसभेत मांडल्यानंतर राज्यभरात त्याचे पडसाद उमटले.शिवसेनेच्या शिंदे गटाच्या वतीने सोमवार दि. १८ डिसेंबर रोजी विधिमंडळाच्या पायऱ्यांवर सलीम कुत्ता आणि ठाकरे गटाविरोधात जोरदार आंदोलन करण्यात आले. ‘उबाठाचा नवीन नेता, सलीम कुत्ता... सलीम कुत्ता!’ अशा घोषणा यावेळी देण्यात आला. त्यामुळे सलीम कुत्ता कोण आहे? सलीम कुत्ता आणि उबाठा गट कनेक्शन? काय आहे.सलीम कुत्तासोबत संबध असलेले सुधाकर बडगुजर कोण आहेत? अशा गोष्टी आज आपण जाणून घेणार आहोत.

 

मात्र काही मिडीया रिपोर्टनुसार, पोलिसांच्या मते आमदार कैलास गोरंट्याल यांना कुणीतरी चुकीची माहिती दिली आहे. 1998 मध्ये जो व्यक्ती मारला गेला होता, त्याचं नाव सलीम कुर्ला असं होतं. तो देखील मुंबई बॉम्बब्लॉस्टचा आरोपी होता. सलीम कुर्ला हा एजंट म्हणून काम करत असे. त्यानेच बॉम्बस्फोटातील आरोपीचे खोटे पासपोर्ट तयार केले होते. मात्र छोटा राजनच्या गँगने सलीम कुर्ला या एजंटला १९९८ ला ठार केले. तरी सलीम कुत्ता जिवंत आहे. सध्या तो येरवाडा जेलमध्ये आहे, अशी प्राथमिक माहिती काही वृत्तसंस्थांकडून दिली जात आहे.दरम्यान दि. १८ डिसेंबर रोजी शिवसेनेच्या शिंदे गटातील मंत्री आणि आमदारांनी विधिमंडळाच्या पायऱ्यांवर उतरत याविरोधात जोरदार आंदोलन केले. ‘सलीम कुत्ता हाय हाय...’, ‘उबाठाचा नवीन नेता, सलीम कुत्ता... सलीम कुत्ता!’ अशा घोषणा त्यांनी यावेळी दिल्या. मंत्री दादा भुसे, आमदार भरत गोगावले, यामिनी जाधव, मंगेश कुडाळकर, दिलीप लांडे, श्रीनिवास वनगा यांच्यासह अनेक सदस्य यात सहभागी झाले. ‘सलीम कुत्ता’सोबत डान्स पार्टी करणाऱ्या सुधाकर बडगुजरवर कठोर कारवाई करावी, अशी मागणी ही त्यांनी केली.पण तरीदेखील सलीम कुत्ता जिवंत आहे का? ह्याची अधिकृत पृष्टी झालेली नाही. पण जर तो जिवंत असेल, तर उबाठा गटाच्या अडचणीत वाढ होऊ शकते.