क्रिकेट विश्वचषक फायनल मॅचसाठी रेल्वेदेखील सज्ज

मध्य रेल्वेतर्फे छत्रपती शिवाजी महाराज टर्मिनस (छशिमट) ते अहमदाबाद आणि परत स्पेशल ट्रेन धावणार

17-Nov-2023

Total Views | 25

Railway Ready For ICC World Cup 2023 Final

मुंबई : अहमदाबाद येथे रविवार, दि. १९ नोव्हेंबर रोजी होणाऱ्या क्रिकेट विश्वचषक अंतिम सामना पाहण्यासाठी मध्य रेल्वेने क्रिकेटप्रेमी प्रवाशांसाठी क्रिकेट विश्वचषक स्पेशल ट्रेन चालवण्याचा निर्णय घेतला आहे.

ट्रेन क्र. ०११५३ छशिमट-अहमदाबाद विशेष एक्स्प्रेस शनिवार, दि. १८ नोव्हेंबर रोजी छशिमट येथून रात्री १०.३० वाजता सुटेल आणि रविवार, दि. १९ नोव्हेंबर रोजी सकाळी ६.४० वाजता अहमदाबादला पोहोचेल. तर ट्रेन क्र. ०११५४ अहमदाबाद- छशिमट स्पेशल एक्स्प्रेस अहमदाबादहून दि. २० नोव्हेंबर (रविवार/सोमवारच्या मध्यरात्री) रोजी १.४५ वाजता सुटेल आणि त्याच दिवशी सोमवार, दि. २० नोव्हेंबर रोजी सकाळी १०.३५ वाजता छशिमट येथे पोहोचेल.

थांबे- छशिमट, दादर, ठाणे, वसई रोड, सुरत, वडोदरा आणि अहमदाबाद.

डब्यांची स्थिती : १७ एलएचबी डब्बे - एक एसी-फर्स्ट क्लास, तीन एसी-2 टियर, 11 एसी-3 टियर. एक सेकंद सीटिंग कम गार्डची ब्रेक व्हॅन आणि एक पॉवर कार आजपासून म्हणजेच शुक्रवार, दि. १८ नोव्हेंबरपासून या विशेष ट्रेनसाठी आरक्षण सुविधा उपलब्ध होणार आहे.

Indian railway Mumbai City ICC Men's Crcicket World Cup 2023 BCCI