संदेशखालीमध्ये TMC नेत्याला संतप्त जमावाची चप्पलांनी मारहाण!

नवी दिल्ली : पश्चिम बंगालमधील संदेशखालीमध्ये पुन्हा एकदा महिलांचा रोष उसळला आहे. आंदोलकांनी टीएमसी नेते शेख शाहजहान यांच्या साथीदाराला मारहाण केली. अजित मेती यांनी शेख शहाजहानचे नाव घेऊन स्थानिक लोकांना गुंडगिरी करून त्यांच्या जमिनी बळकावल्याचा प्रयत्न केला. त्यानंतर स्थानिक लोकांचा विरोध पाहता दोन ग्रामपंचायत क्षेत्रात कलम १४४ लागू करण्यात आले आहे. लोकांनी अजितच्या घराचीही तोडफोड केली.

मिळालेल्या माहितीनुसार, पश्चिम बंगालमधील उत्तर २४ परगणा येथील संदेशखालीध्ये टीएमसी नेते शेख शाहजहांविरोधात महिलांचा रोष पुन्हा एकदा उफाळून आला आहे. शेख शहाजहानच्या जवळ असलेल्या अजित मेती यांच्या घराची महिलांनी तोडफोड केली आणि त्यांनाही मारहाण केली. यावेळी आंदोलकांनी त्यांच्या घराची तोडफोड केली. आंदोलकांनी तृणमूल काँग्रेसचे नेते के अजित मेतेई यांच्या मोटरसायकलची तोडफोड केली आणि त्यांच्यावर जमीन बळकावल्याचा आरोप केला.दरम्यान संदेशखालीतील बाधितांना त्यांच्या जमिनी बळकावणे, खंडणी वसूल करणे, मजुरी न मिळणे अशा समस्या येत आहेत. गेल्या ६ दिवसांत ७०० हून अधिक तक्रारी दाखल करण्यात आल्या आहेत. त्यापैकी १५० तक्रारी जमीन बळकावण्याशी संबंधित असून ७० तक्रारी खंडणीशी संबंधित आहेत.