अरविंद केजरीवाल यांच्या '१७८ कोटी रुपयांच्या शीशमहल'चा व्हिडिओ व्हायरल

भाजप दिल्लीने या संदर्भात म्हणाले की, अरविंद केजरीवाल सरकारचा भ्रष्टाचार उघड करण्यासाठी दिल्ली भाजप एक नवीन राजकीय मोहीम सुरू करत आहे. भाजप नेते तेजिंदर पाल सिंह बग्गा यांनी लिहिले की, "आता तुम्ही भ्रष्टाचाराच्या महालासोबत सेल्फी घेऊ शकता. भाजप प्रत्येक विधानसभेत जाऊन केजरीवाल यांचा भ्रष्टाचार दाखवेल, असंही ते म्हणाले.

दरम्यान, या ट्विटनंतर भाजपचे अनेक नेते राजमहलसोबत सेल्फी घेत आहेत आणि सोशल मीडियावर पोस्ट करत आहेत. दिल्लीतील नागरिकांकडूनही यास प्रतिसाद मिळत आहे. भाजपने या अभियानातून दिल्ली सरकारच्या भ्रष्टाचारावर बोट ठेवले आहे. रामवीर सिंह बिधुरी यांनी लिहिले, “सरकारी सुविधा न घेण्याच्या बहाण्याने सत्तेत आलेले अरविंद केजरीवाल १७८ कोटींच्या महालात राहत आहेत. हजारो कोटींचे घोटाळे झाले आहेत. आता भ्रष्टाचाराला आणखी हक्क हवेत! कॅनॉट प्लेसमध्ये भाजपने केजरीवाल यांच्या भ्रष्टाचाराची झांकी दाखवली!, असे ते म्हणाले.