छ. संभाजीनगरमध्ये दोन गटात पुन्हा दगडफेक!

31-Mar-2023

Total Views | 133

stone-pelting-in-two-groups-at-ohar-village-in-sambhaji-nagar

संभाजीनगर : छत्रपती संभाजीनगर येथील कराडपुरमधील घटना ताजी असतानां छ. संभाजीनगरमधील ओहर गावात दि. ३१ मार्च रोजी दोन गटात जोरदार राडा झाला आहे. यावेळी दगडफेक झाल्याची माहिती समोर येत आहे.या दगडफेकीत दहा जण जखमी झाले आहेत. जखमींना उपचारांसाठी रुग्णालयात दाखल करण्यात आले आहे. गावात सीआरपीएफ जवानांसह पोलीसांचा मोठा बंदोबस्त तैनात करण्यात आला आहे. मात्र कोणत्या कारणावरून दगडफेक झाली हे अद्याप अस्पष्ट आहे.

ओहर गाव हे छत्रपती संभाजीनगरपासून १० किलोमीटरच्या अंतरावर आहे. अज्ञात कारणावरून राडा झाला असून थोड्याचवेळात दगडफेकही झाली. सध्या याठिकाणची परिस्थिती नियंत्रणात आहे. तसेच, परिसरात शांततापूर्ण वातावरण निर्माण झाले आहे.या घटनेत जखमी झालेल्यांना छत्रपती संभाजीनगरमधील घाटी रुग्णालयात उपचारांसाठी दाखल करण्यात आलेले आहे.