दिल्लीत इस्त्राईल दुतावासजवळील स्फोटाचे गाझा कनेक्शन? तपासात महत्त्वाची माहिती उघड

27-Dec-2023

Total Views | 62

नवी दिल्ली : चाणक्यपुरी भागातील इस्त्राइलच्या दुतावासाजवळ मोकळ्या स्थितीत असलेल्या एका प्लॉटमध्ये स्फोट झाल्याची घटना २६ डिसेंबर २०२३ च्या संध्याकाळी घडली. स्फोटानंतर दिल्ली पोलिसांनी घटनास्थळ गाठले आणि येथून एक पत्र जप्त केले. त्यात जिहाद, अल्ला हू अकबर आणि गाझामध्ये सुरू असलेल्या युद्धाचा उल्लेख आहे. स्फोटाची माहिती मिळताच दिल्ली पोलीस बॉम्बशोधक पथक आणि फॉरेन्सिक टीमसह घटनास्थळी पोहोचले.

We can confirm that around 5:10 pm there was a blast at close proximity to the embassy. Delhi Police and the security team are still investigating the situation: Israel Embassy in New Delhi https://t.co/WB4jy1BmGK
— ANI (@ANI) December 26, 2023

दिल्ली पोलिसांनी परिसर सील करून परिसराची तपासणी केली असता हा स्फोट कमी वारंवारतेचा असल्याचे आढळून आले. दिल्ली पोलिसांच्या तपास पथकाने याच प्लॉटमधून एक पत्रही जप्त केले आहे. हे पत्र इस्रायलच्या राजदूताला उद्देशून लिहिले आहे. पत्राची भाषा अत्यंत असभ्य असून त्यात शिवीगाळही करण्यात आली आहे. हे पत्र इस्त्रायली ध्वजात गुंडाळले होते. पत्रात गाझा पट्टीत सुरू असलेल्या इस्लामिक दहशतवादविरोधी कारवाई थांबवण्याची धमकी देण्यात आली आहे. त्यात 'अल्लाह-हू-अकबर' आणि 'जिहाद' अशा इस्लामिक घोषणांचा वापर करण्यात आला आहे.

#WATCH | Deputy Ambassador of Israel to India, Ohad Nakash Kaynar says, "This is evening several minutes after 5, an explosion occurred in close proximity of the Embassy. All our diplomats and workers are safe. Our security teams are working in full cooperation with local Delhi… pic.twitter.com/jqQSTJMgKQ
— ANI (@ANI) December 26, 2023

दिल्ली पोलिसांशिवाय राष्ट्रीय सुरक्षा एजन्सीनेही (एनआयए) स्फोटाच्या ठिकाणी तपास केला आहे. तपासात स्फोटाच्या ठिकाणी कोणतेही अवशेष आढळले नाहीत, त्यामुळे सुरुवातीला हा रासायनिक स्फोट मानला जात आहे. मात्र, चौकशीनंतरच संपूर्ण माहिती समोर येईल. स्फोट घडवणाऱ्यांचा शोध घेण्यासाठी जवळपासचे सीसीटीव्ही कॅमेरे तपासले जात आहेत. दिल्ली पोलिसांनी सीसीटीव्हीमध्ये नुकतेच दोन लोक पाहिले आहेत, ज्यांच्यावर या स्फोटात संशय व्यक्त केला जात आहे. दिल्ली पोलिसांनी सीसीटीव्हीच्या मदतीने त्यांची ओळख पटवली असून त्यांचा शोध सुरू आहे.

Regarding the Israel Embassy incident yesterday, Delhi Police found two suspects after examining the CCTV footage. Police are now scanning CCTV visuals and trying to find out how the two suspects reached there and which route they took. Police also received a threatening letter…
— ANI (@ANI) December 27, 2023