भारतातील तीर्थक्षेत्रांमध्ये दसरा उत्सवाचे वैविध्य!

24-Oct-2023

Total Views | 45

मुंबई : संपुर्ण देशात मोठ्या उत्साहात दसरा साजरा केला जातो. देशात अनेक तीर्थक्षेत्र आहेत. या तीर्थक्षेत्रांमध्ये अनेक प्रकारे दसरा साजरा करण्यात येतो. कोणत्या तीर्थक्षेत्रावर कशाप्रकारे दसरा साजरा करतात याबाबत जाणून घेऊया..

१) वाराणसी

वाराणसीमध्ये दरवर्षी अतिशय उत्साहात दसरा साजरा केला जात असतो. गेल्या अनेक दशकांपासून वाराणसीतील बीएलडब्ल्यू मैदानावर दसऱ्याच्या दिवशी रावण दहन केले जाते. यावेळी पूर्वांचलमधील रावण, कुंभकर्ण आणि मेघनाद यांचा सर्वात मोठा पुतळा जाळला जातो. यादिवशी गंगा नदीची पूजा करण्यासाठी अनेक लोक येतात.

२) कुल्लू

कुल्लू येथील दसरा भारतभर प्रसिद्ध आहे. याठिकाणी आठवडाभरापुर्वीच दसऱ्याची तयारी सुरु होते. इतर ठिकाणांप्रमाणे येथेही या उत्सवाची तयारी आठवडाभर आधीच सुरू होते. यादिवशी सर्वजण ढोल, ताशा, बासरीसह ज्याच्याकडे जे वाद्य असेल ते घेऊन तो बाहेर पडतो. तसेच डोंगराळ भागातील लोक मोठ्या थाटामाटात आपल्या ग्रामदेवतेची मिरवणुक काढत पूजा करतात.

३) कोटा

राजस्थानमधील कोटा येथील दसरा सण संपूर्ण देशात प्रसिद्ध असून असंख्य लोक येथील रावण दहन पाहण्यासाठी येतात. कोटा येथील जेठी समाजाची दसरा साजरा करण्याची स्वतःची एक खास परंपरा आहे. या परंपरेनुसार आखाड्यातील मातीपासून रावण तयार करून विजयादशमीला पायदळी तुडवला जातो.

४) म्हैसूर

दसरा म्हटलं की, म्हैसूर आलंच. म्हैसूरमध्ये अतिशय अनोख्या पद्धतीने दसरा साजरा करण्यात येतो. म्हैसुरला १५ व्या शतकापासून दसऱ्याची परंपरा लाभली आहे. म्हैसूर पॅलेसमध्ये हा दसरा उत्सव साजरा करण्यात येतो. यावेळी नृत्य, संगीत आणि दसऱ्याशी संबंधित पौराणिक कथांचे वर्णन करण्यात येते.