वडोदरा येथे गणपती मिरवणुकीत दगडफेक

 

 

अहमदाबाद: गुजरातमधील वडोदरा येथे गणेशमूर्ती स्थापनेसाठी नेत असताना दोन समुदायांमध्ये हाणामारी झाली. यादरम्यान दोन्ही बाजूंनी जोरदार दगडफेक झाली. या प्रकरणी पोलिसांनी दोन्ही बाजूंच्या १३ जणांना ताब्यात घेतले असून एफआयआरही नोंदवला आहे. मांडवीजवळील पाणीगेट भागात सोमवारी रात्री ११ ते १२ वाजेच्या दरम्यान दोन्ही बाजूंनी बाचाबाची झाली. पोलिसांनी दिलेल्या माहितीनुसार, सोमवारी रात्री काही लोक गणेश मूर्तीची प्रतिष्ठापना करण्यासाठी घेऊन जात होते.

 

 

त्याचवेळी या लोकांमध्ये काही गोष्टीवरून वाद झाला, त्यात एका व्यक्तीने दुसऱ्यावर दगडफेक केली. या घटनेनंतर स्थानिकांनी पोलिसांकडे तक्रार केली. पोलिसांनी दिलेल्या माहितीनुसार, दगडफेक करणारे हे गुन्हेगारी पार्श्वभूमीचे लोक आहेत. शहरातील इतर भागात तणाव पसरू नये म्हणून पोलिसांनी संवेदनशील भागात गस्त वाढवली आहे. गणपतीच्या मिरवणुकीत दोन गटांमध्ये हाणामारी झाली. सध्या येथे शांतता आहे. मी लोकांना आवाहन करतो की त्यांनी अफवांवर लक्ष देऊ नये. पोलीस या प्रकरणाचा तपास करत आहेत.