'शिवसेनेला मराठीचा एक शब्दही उच्चारता येऊ नये हे दुर्दैव' : रावते

    10-Mar-2021
Total Views | 316

uddhav thakare and diwaka


मराठी भाषा आणि विद्यापीठाच्या मुद्दयावर आक्रमक होत व्यक्त केला संताप


मुंबई: शिवसेनेचे ज्येष्ठ नेते आणि आमदार दिवाकर रावते यांनी मुद्द्यावरून शिवसेना आणि महाविकास आघाडी सरकारला धारेवर धरले. मराठी भाषा आणि मराठी विद्यापीठाच्या मुद्दयावर आक्रमक होत त्यांनी 'शिवसेनेचा मुख्यमंत्री असलेल्या महाविकास आघाडी सरकारवर ताशेरे ओढले. मराठी भाषेच्या मुद्द्यावरून त्यांनी महाविकास आघाडी सरकारच्या अर्थसंकल्पावर जोरदार टीका केली. शिवसेना पक्षप्रमुख उद्धव ठाकरे हे मुख्यमंत्री असताना देखील अर्थसंकल्पात मराठी भाषेच्या संवर्धनासाठी एक शब्द देखील व्यक्त करण्यात आलेला नाही, असे सांगत रावते यांनी जाहीरपणे खंत व्यक्त केली.
 
 
 
मराठी अस्मितेच्या मुद्द्यावर स्वतःला आग्रही म्हणवणारे शिवसेना पक्षाचे उद्धव ठाकरे राज्याचे मुख्यमंत्री असतानाही या मुद्द्याकडे दुर्लक्ष होत आहे, असे म्हणत रावते यांनी आपली नाराजी व्यक्त केली. त्याचप्रमाणे या मुद्द्यावर बोलताना त्यांनी सभागृहात होणाऱ्या इंग्रजी शब्दांच्या वापराबबातही भाष्य केले. सभागृहाच्या कामकाजात इंग्रजी शब्दांचा वापर करणे चुकीचे असल्याचे ते म्हणाले. मराठीमध्ये शब्द संग्रह असताना देखील इंग्रजी शब्द वापरणे हास्यास्पद प्रकार असल्याचे ते म्हणाले.
 
 
 
तसेच "मुंबईतील बॉम्बे क्लबचे नाव अजूनही तेच आहे. मुंबईत इतर सर्व भाषा आणि परप्रांतीयांसाठीचे भवन उभारले गेले आहे; असे असताना मराठीचे भवन का नाही, असा सवाल उपस्थित करत शिवसेनाला मराठीबाबत एक शब्द उच्चारता आला नाही आणि हे दुर्दैवी असल्याचे देखील रावते म्हणाले. महत्वाचे म्हणजे, 'मुख्यमंत्री शिवसेनेचा आणि अर्थसंकल्पात मात्र मराठीसाठी काहीच नाही, असे नमूद करताना मी मेल्यावर साहेबांना भेटलो आणि वर गेल्यावर मला त्यांनी विचारलं की मराठी भाषेसाठी काय केलं, तर मग मी त्यांना काय उत्तर देणार?, असा सवालही शिवसेनेच्या दिवाकर रावते यांनी विचारला.
 



 
 
अग्रलेख
जरुर वाचा
‘द रूट्स ओपन माईक’च्या दोन यशस्वी वर्षांचा सांस्कृतिक उत्सव!

‘द रूट्स ओपन माईक’च्या दोन यशस्वी वर्षांचा सांस्कृतिक उत्सव!

‘संस्कार भारती’ कोकण प्रांताच्या पुढाकारातून सुरु झालेल्या ’THE ROOTS OPEN MIC ’ या उपक्रमाने आपल्या दोन यशस्वी वर्षांची पूर्तता साजरी केली. ‘सा कला या विमुक्तये’ या मूलमंत्रासोबत विविध कलांच्या अभिव्यक्तीसाठी कार्यरत असलेला हा अनोखा उपक्रम. या उपक्रमांतर्गत दर महिन्याच्या तिसर्‍या शनिवारी होणार्‍या कार्यक्रमाच्या यंदाच्या सत्रात मातृदिवस आणि समरसतेसारख्या भावनिक विषयांना वाहिलेली सादरीकरणे करण्यात आली. तसेच दि. 20 मे रोजी येणार्‍या थोर कवी सुमित्रानंदन पंत यांच्या जयंतीनिमित्त त्यांना आदरांजली वाहण्यात ..

Email

admin@mahamtb.com

Phone

+91 22 2416 3121