राज ठाकरेंनी केली दोन बड्या नेत्यांची हकालपट्टी! नेमकं घडलं काय?

 

मनसे नेते शिरीष सावंत यांनी याबाबत एक पत्रकही जारी केले आहे. "राजसाहेबांच्या आदेशाने परशुराम उपरकर आणि प्रवीण मर्गज ह्यांचा महाराष्ट्र नवनिर्माण सेनेशी कोणताही संबंध असणार नाही, ह्याची तमाम महाराष्ट्र सैनिकांनी नोंद घ्यावी," असे या पत्रकात म्हटले आहे.
 

 

परशुराम उपरकर हे मनसेचे सरचिटणीस होते. मागील काळात झालेल्या राज ठाकरेंच्या कोकण दौऱ्यानंतर ते नाराज असल्याचे सांगण्यात येत आहे. तसेच गेल्या एक वर्षापासून परशुराम उपरकर हे पक्षाच्या कुठल्याही कार्यक्रमात सहभागी झाले नाही. त्यामुळे गुरुवारी परशुराम उपरकर आणि प्रविण मर्गज यांना पक्षातून बाहेर काढण्यात आले असल्याचे सांगण्यात येत आहे.