संगीतकार रवी यांच्या आठवणींनी सजले सिने टॉकीज

 

मुंबई : 'संगीतकार रवी अँड द गोल्डन एज ऑफ हिंदी सिने म्युझिक' या चित्रपटाचे दिग्दर्शन प्रोफेसर सुरेश शर्मा यांनी केले आहे. प्रोफेसर शर्मा हे डॉक्युमेंटरी प्रोड्युसर असोसिएशनचे उपाध्यक्ष असण्यासोबत पत्रकारिता, अध्यापन आणि लेखनाशीही संबंधित आहेत. यानिमित्त एका कार्यरामाचे आयोजन करण्यात आले होते. यावेळी सिनेटॉकीजमध्ये 'सिने सृष्टी भारतीय दृष्टी' हा महान संगीतकार रवी यांच्या जीवनावर आणि संगीतमय प्रवासावर आधारित माहितीपट दाखवण्यात आला. कार्यक्रमाची सुरुवात सुरेंद्र कुलकर्णी, अरुण शेखर, प्राध्यापक सुरेश शर्मा, रवीजींच्या कन्या श्रीमती छाया जी, नाट्यदिग्दर्शक आणि प्रॉडक्शन डिझायनर जयंत देशमुख यांच्या हस्ते दीपप्रज्वलनाने झाली.

 

हिंदी चित्रपटांच्या ऑलटाइम 500 गाण्यांमध्ये एकट्या संगीतकार रवीची 100 गाणी आहेत. त्यांच्या संगीताने सजलेले बहुतेक चित्रपट हिट झाले होते, म्हणून त्यांना 'ज्युबिली संगीतकार' असेही म्हणतात. असे भाग्य इतर कोणत्याही संगीतकाराला मिळालेले नाही. आजही त्यांनी काढलेले सूर प्रत्येक वयोगटातील श्रोत्यांना आवडतात.

 

संस्कार भारती कोकण प्रांत सिने टॉकीजच्या वतीने दर महिन्याच्या शेवटच्या शनिवारी वेगवेगळ्या विषयांवर माहितीपट दाखवतात.आराम नगर येथील कलाक्षेत्र स्टुडिओमध्ये आयोजित कार्यक्रमाचे सूत्रसंचालन जगदीश निषाद यांनी केले तर संचालन सजल खरे यांनी केले तर आभार प्रदर्शन अरुण शेखर यांनी केले. यावेळी प्रख्यात अभिनेते-दिग्दर्शक एन.के.पंत, इंडियन डॉक्युमेंटरी प्रोड्युसर असोसिएशनचे उपाध्यक्ष श्री.कमलेश मिश्रा, नुकत्याच प्रदर्शित झालेल्या आझमगढ चित्रपटाचे दिग्दर्शक श्री.दिपक दिवाण कलाक्षेत्र स्टुडिओ, संगीतकार रॉबी बादल, योगेश कुलकर्णी, कृष्णा उपाध्याय, अजित गौर उपस्थित होते.सर्व मान्यवरांची विशेष उपस्थिती होती.