पडळकर आणि आव्हाडांच्या कार्यकर्त्यांमध्ये विधानभवनात तुफान हाणामारी! नेमकं काय घडलं?

मुंबई: आमदार गोपीचंद पडळकर आणि आमदार जितेंद्र आव्हाड यांच्या कार्यकर्त्यांमध्ये गुरुवार, १७ जुलै रोजी विधानभवनात तुफान हाणामारी झाली. ही संपूर्ण घटना कॅमेऱ्यात कैद झाली असून त्याचे राजकीय पडसाद उमटले.

जितेंद्र आव्हाड आणि गोपीचंद पडळकर यांच्या समर्थकांनी विधीमंडळाच्या तळमजळ्यावर हाणामारी केली. तसेच यावेळी त्यांनी एकमेकांना शिवीगाळही केली. दरम्यान, तेथील सुरक्षारक्षकांनी या कार्यकर्त्यांना सोडवले.

जितेंद्र आव्हाड आणि गोपीचंद पडळकर यांच्या कार्यकर्त्यांमध्ये धक्काबुक्की! @JitendraAwhad @GopichandP_MLA #JitendraAwhad #GopichandPadalkar pic.twitter.com/mzGpQ2AquB

— महा MTB (@TheMahaMTB) July 17, 2025

मागील काही दिवसांत गोपीचंद पडळकर आणि जितेंद्र आव्हाड यांच्यात खटके उडताना पहायला मिळाले. काही दिवसांपूर्वीच जितेंद्र आव्हाड यांनी विधानभवनात जात असताना रेड कार्पेटरवरच नाव न घेता पडळकर यांना डिवचले होते.

विधानभवनाच्या बाहेर गेटवर गोपीचंद पडळकर आणि जितेंद्र आव्हाड यांच्यात वाद गोपीचंद पडळकर यांनी गाडीचा दरवाजा आपटला असा जितेंद्र आव्हाडांचा आरोप जितेंद्र आव्हाड यांचे कार्यकर्ते नितीन देशमुख यानंतर आक्रमक दोन्ही नेत्यांकडून एकमेकांना शिवीगाळ#jitendraawhad pic.twitter.com/a0lZ2noCw9

— महा MTB (@TheMahaMTB) July 17, 2025

बुधवारी विधानभवनाच्या परिसरात जितेंद्र आव्हाड आणि गोपीचंद पडळकर यांच्यात शिवीगाळ झाल्याचा व्हिडिओ समोर आला होता. त्यानंतर आता पुन्हा एकदा या वादाचे पडसाद उमटले असून दोघांच्याही समर्थकांमध्ये तुफान हाणामारी झाली. दोन्ही बाजूच्या कार्यकर्त्यांची थेट कपडे फाटेपर्यंत बाचाबाची झाली.

विधानभवनात पडळकर विरुद्ध आव्हाड समर्थकांचा राडा : काय म्हणाले गोपीचंद पडळकर? #GopichandPadlkar @GopichandP_MLA #JitendraAwhad pic.twitter.com/t6rfI771Ff

— महा MTB (@TheMahaMTB) July 17, 2025

यावर सर्वात आधी पडळकर यांच्या कार्यकर्त्यांनीच हल्ला केल्याचे जितेंद्र आव्हाड यांनी म्हटले आहे. तसेच विधानसभेत आमदार सुरक्षित नसतील तर कशाला राहायचे आमदार? असा संतप्त सवालही त्यांनी केला. तर मला काहीही माहिती नाही असे म्हणत पडळकर यांनी या प्रकरणावर प्रतिक्रिया देणे टाळले.