भारतीयांची स्कूटर्सला पसंती वाढली, २०२४ मध्ये २० टक्क्यांनी विक्री वाढली

 

प्रवासी वाहतुक करणाऱ्या वाहनांमध्ये ज्या वाहनांमधून प्रवासी वाहतुक केली जाते अशा सर्वच वाहनांचा समावेश होतो. यामध्ये चारचाकी गाड्या, व्हॅन्स, बसेस यांसारख्या वाहनांचा समावेश होतो. यावाहनांच्या विक्रीत गेल्या वर्षीच्या तुलनेत ४० लाखांची वाढ झाली आहे. त्यातुलनेत तीनचाकी वाहने म्हणजे रिक्शांसारख्या वाहनांच्या मागणीत वाढ होत ७० लाखांहून अधिक विक्री झाली. सर्वात कमी विक्री नोंदवली आहे ती व्यावसायिक वापराच्या वाहनांनी. यात गेल्या वर्षीच्या तुलनेत ३ टक्क्यांची घटच होत फक्त ९ लाख ५० हजार वाहनांची विक्री झाली. ऐन दिवाळीसारख्या सणासुदीच्या मोसमात वाहन विक्रीने जोर पकडला असे दिसत आहे.

यात सर्वात जास्त मागणी नोंदवली ती दुचाकी विक्रीने. गेल्यावर्षीच्या तुलनेत १४.५ टक्क्यांची वाढ झाली आहे. त्यातही स्कूटर्सच्या मागणीने २० टक्के वाढीचा उच्चांक गाठत ६० लाखांपेक्षा जास्त विक्री नोंदवली आहे. याउलट मोटरबाइक्सची विक्री मात्र फक्त १२ टक्क्यांनीच वाढत, १ कोटी २० लाख इतकीच झाली. या विक्रीतही गेल्या वर्षीच्या तिसऱ्या तिमाहीत म्हणजे ऑक्टोबर – नोव्हेंबर काळातच जास्त मागणी मिळाली आहे.