"महिलांना सत्ता दिल्यास सर्वकाही उद्ध्वस्त होईल", योगीराज सिंग यांचे वादग्रस्त विधान

नवी दिल्ली : भारताचा माजी डावखुरा क्रिकेटपटू युवराज सिंग यांचे वडील योगीराज सिंग (Yogiraj Singh) यांनी महिलांबाबत बेताल वक्तव्य केले आहे. यामुळे योगीराज सिंग यांच्या वक्तव्यामुळे त्यांच्या अडचणीमध्ये वाढ निर्माण झाली आहे. अशातच आता पंजाब महिला आयोग योगीराज सिंग यांच्यावर तक्रार करणार असल्याची माहिती समोर आली आहे. यावेळी बोलत असताना त्यांनी माजी महिला पंतप्रधान इंदिरा गांधी यांच्यावरही भाष्य केले. ते एका युट्यूब चॅनेलशी बोलत असताना त्यांनी वक्तव्य केले होते.

 

प्रसिद्ध युट्यूबर समदीश भाटीयाने घेतलेल्या एका मुलाखतीमध्ये योगीराज सिंग यांनी हे विधान केले आहे. योगीराज म्हणाले की, घरचा प्रमुख हा नेहमीच पुरूषच असायला हवा. जर पुरूष नसेल तर आईने जबाबदारी सांभाळायला हवी. पती असेल तर महिला ही कुटुंबाची प्रमुख होईल का? असा सवाल त्यांनी केला. ते म्हणाले की, इंदिरा गांधी यांनीही हा देश चालवला होता. मात्र त्यांनी देशाला उद्ध्वस्त केले असे बोलताना वाईट वाटत आहे.

 

महिलांना कधीच सत्ता देऊ नका, त्यांना प्रेम आणि आदर द्या. त्यांना घर सांभाळायला दिले तर ते उद्ध्वस्त केले. जर महिलांना तुम्ही संधी दिली तर ते सर्वकाही त्यांच्यासाठी करतील, असेही योगीराज म्हणाले होते.

 

धार्मिक गुरूंच्या भक्तांमध्ये महिलांच्या संख्येमध्ये लक्षणीय वाढ निर्माण झाली आहे. महिला या गुरूंकडे पतीला किंवा आपल्या मुलाला वश करण्यासाठी वाटेल ते करतील. त्यांच्या या विधानाने वादंग निर्माण होण्याची शक्यता नाकारता येणार नाही.