अंधेरीत लोखंडवालामध्ये दोन बंगल्यांना भीषण आग

19-Sep-2024

Total Views | 17

मुंबई : अंधेरी लोखंडवाला परिसरातील सेकंड क्रॅास लेनमध्ये दोन बंगल्यांना भीषण आग लागल्याची प्राथमिक माहिती आहे. या भीषण आगीत दोन्ही बंगले जळून खाक झाले आहेत. दोन बंगल्यांच्या तळमजल्यापासून आणि पहिल्या मजल्यापर्यंत ही आग पसरलेली होती. दरम्यान अग्निशमन दलाच्या गाड्यांनी घटनास्थळी पोहचून आगीवर नियंत्रण मिळवण्याचा प्रयत्न केला. दोन तासानंतर अग्निशमन दलाला या आगीवर नियंत्रण मिळवता आले.

मुंबई महापालिकेने दिलेल्या माहितीनुसार, लोखंडवाला कॉम्प्लेक्समधील बंगला क्रमांक ११ मध्ये ही आग लागली. त्यानंतर ही आग पसरत गेल्याचं सांगण्यात आले. या बंगल्यात कुणीही राहत नसल्याने जीवितहानीचा धोका टळल्याची प्राथमिक माहिती आहे. यावेळी घटनास्थळी अग्निशमन दलासोबतच रुग्णवाहिका, अदानी इलेक्ट्रिक, महापालिकेचे अधिकारी पोहचले होते. मात्र आगीचे कारण अद्याप कळू शकलेले नाही.

Lokhandwala Fire Second Cross Lane