पंतप्रधानांनी दिल्या काँग्रेसला विजयाच्या शुभेच्छा

नवी दिल्ली : पंतप्रधान नरेंद्र मोदी यांनी कर्नाटक विधानसभा निवडणूक निकालावर प्रतिक्रिया दिली आहे. कर्नाटकात काँग्रेस विजयी होणार हे जवळपास निश्चित झाले आहे. यापार्श्वभूमीवर पंतप्रधानांनी काँग्रेसला शुभेच्छा दिल्या आहेत. काँग्रेस पक्षाला जनतेने दिलेला कौल पंतप्रधान नरेंद्र मोदी यांनी मान्य असल्याचे म्हटले आहे. दरम्यान, कर्नाटक विधानसभा निवडणुकीतील विजयाबद्दल काँग्रेसचे अभिनंदन करत, लोकांच्या इच्छा आकांक्षा पूर्ण करण्यात काँग्रेस यशस्वी होईल, असा आशावादही यावेळी पंतप्रधान नरेंद्र मोदी यांनी व्यक्त केला आहे.