‘स्वा. सावरकर परिक्रमे’ची घोषणा

मुंबई : राज्यात स्वातंत्र्यवीर सावरकर यांच्यावरून सुरू झालेला वाद आता काहीसा शमलेला असताना राज्य सरकारच्यावतीने एक महत्त्वपूर्ण घोषणा करण्यात आली आहे. नाशिकच्या भगूर येथे स्वातंत्र्यवीर सावरकर यांच्या जन्मस्थानी ‘थीम पार्क’ आणि संग्रहालय सुरु करण्यासह दि. 21 मे ते 28 मे दरम्यान राज्याचा पर्यटन विभाग आणि ‘विवेक व्यासपीठ’ यांच्या संयुक्त विद्यमाने ‘स्वातंत्र्यवीर सावरकर सप्ताह’ आणि ‘स्वातंत्र्यवीर सावरकर वीरभूमी परिक्रमे’ची घोषणा राज्याचे पर्यटनमंत्री मंगलप्रभात लोढा यांनी केली आहे.शुक्रवार, दि. 31 मार्च रोजी मंत्रालयातील वार्ताहर कक्षात आयोजित पत्रकार परिषदेत ते बोलत होते. यावेळी त्यांनी सरकारकडून राबवण्यात येणारे कार्यक्रम आणि सावरकर परिक्रमेची माहिती दिली.

रत्नागिरी-सामाजिक समरसतेचे प्रतीक. येथे सावरकरांनी हिंदू समाजाच्या एकतेचा आणि सर्वसमावेशक हिंदुत्वाचा पाया घातला. येथे त्यांनी सर्व जातीच्या हिंदूंना मुक्त प्रवेश असलेले पतितपावन मंदिर उभारले आणि मुलींसाठी शाळाही सुरू केली. अंदमाननंतर येथील कारागृहात त्यांनी दोन अडीच वर्षे कारावास आणि 13 वर्षे स्थानबद्धतेची शिक्षा भोगली आहे.

• नाशिक-त्यांचे जन्मस्थान भगूर आणि नाशिकमध्ये त्यांच्या क्रांतिकारी उपक्रमांची सुरुवात आणि ‘अभिनव भारता’ची स्थापना.

• पुणे - इथे सावरकर महाविद्यालयीन शिक्षणासाठी होते आणि परदेशी उत्पादनांवर बहिष्कार टाकण्यासाठी परदेशी कपड्यांची होळी केली.
  
  
  
• मुंबई - आयुष्याच्या शेवटच्या वर्षात ते इथेच राहिले. वैचारिक आणि साहित्यिक दृष्टिकोनातून.( हे स्थान महत्त्वाचे.) येथेच ‘सावरकर सदन’मध्ये त्यांनी आत्मर्पण केले.