‘लव्ह जिहाद’ म्हणजे भारतीय समाज आणि संस्कृतीला प्रताडित करण्याचे षड्यंत्र : साक्षी गायकवाड

 

त्यानंतर ‘लव्ह जिहाद’ आणि त्याचे स्वरूप, परिणाम याबाबत समाजसेविका साक्षी गायकवाड यांनी उपस्थित महिलांशी संवाद साधला. “महाराष्ट्रमध्ये ‘लव्ह जिहाद’ला आळा घालणारा कायदा आवश्यक असून ती काळाची गरज आहे,” असे त्यांनी सांगितले. “हिंदू धर्म हा जगातील सहिष्णू आणि मानवतावादी धर्म असून आपल्या धर्मात महिलांना सन्मानाने सुरक्षित जीवन जगता येते. फसवून, घाबरून धर्मांतर केलेल्या मुलींच्या आयुष्याचा नरकच होतो,” असे सांगत, विवाहाचे, प्रेमाचे आमिष देऊन धर्मांतरित झालेल्या मुलींच्या जीवनात काय घडते, याबद्दल साक्षी यांनी सविस्तर माहिती दिली. “या सगळ्यांना आळा घालायचा असेल, तर महाराष्ट्रातही उत्तर प्रदेशाच्या धर्तीवर धर्मांतर आणि ‘लव्ह जिहाद’ला विरोध करणारा कायदा व्हायला हवा,” असे मत त्यांनी व्यक्त केले. यावेळी उपस्थित नागरिक आणि स्त्रीशक्तीने संवाद साधताना ठामपणे मागणी केली की, महाराष्ट्रात तत्काळ ‘लव्ह जिहाद’विरोधी कायदा पारित व्हावा. स्थानिक नगरसेवक चंद्रकांत पाटील, गावदेवी महिला बचतगटाच्या अध्यक्ष गंगाताई पाटील यांनी ही सभा आयोजित केली होती. सभेला महापे येथील स्थानिक नागरिक आणि महिलांनी उत्स्फूर्त प्रतिसाद दिला.