घनकचरा निर्मुलन आता ऑन द स्पॉट - आ. सरनाईक यांच्याहस्ते टोगो व्हॅनचे लोकार्पण

नागरीकरण वाढत असल्याने घनकचऱ्याचे व्यवस्थापन कोलमडून पडत आहे. ठाणे शहरात वाढत्या कचऱ्याची समस्या गहन बनली असून वारंवार जनजागृती करूनही कचऱ्याची विल्हेवाट लावताना महापालिका प्रशासन मेटाकुटीला आले आहे. एकट्या ठाणे महापालिका क्षेत्रात दररोज अंदाजे ९६० मेट्रीक टन कचऱ्याची निर्मिती होत असल्याने तसेच, डंपिंग ग्राऊंडची वानवा असल्याने कचऱ्याचा प्रश्न दिवसेंदिवस भीषण बनत चालला आहे. यावर आता टोगो वाहनाचा हरित पर्याय उपलब्ध झाला असुन घनकचर्याचे निव्वळ पाच दिवसात खतामध्ये रूपांतर होणार आहे. या स्वयंचलित टोगो व्हॅनचे उदघाटन आ. प्रताप सरनाईक यांच्याहस्ते करण्यात आले. या अभिनव बहुउपयोगी कचरा व्यवस्थापनामुळे शुन्य जागेत कचरा विल्हेवाट लावता येणार आहे.

टोगो वाहन चालवण्यासाठी सीएनजी या हिरव्या इंधनाचा उपयोग केला जातो. या प्रक्रियेत जी ऊर्जा निर्माण होते, ती सुध्दा खत बनवताना वापरली जाते. कचऱ्याचे खतात रुपांतर झाल्यानंतर ८० ते ८५ टक्के कपात होते. (उदा. १००० किलो कचऱ्याचे १५०-२०० किलो खतामध्ये रुपांतर होते. कोणतीही दुर्गंध नाही आणि प्रक्रिया केलेली दिसतही नाही.कचरा गोळा करण्यासाठी मात्र इंजिन चालक व दोन श्रमिकांची गरज भासते.

 काय आहे हे 'TOW-GO'?

मिनी टोगो - ६०० किलो प्रतिदिन - १२०० घरांसाठी

स्टँडर्ड टोगो - १५०० किलो प्रतिदिन- २५०० घरांसाठी

हेवीड्युटी टोगो - २४०० किलो प्रतिदिन- ५००० घरांसाठी

मुख्यमंत्री एकनाथ शिंदे यांनी नगरविकास निधीतुन ५० कोटींचा निधी घनकचरा व्यवस्थापनासाठी उपलब्ध करण्यात आला आहे. जागेवरच कचरा निर्मुलन होऊन खतनिर्मिती होणार असल्याने या टोगो वाहनांचा वापर ठाणे महापालिका क्षेत्रातील येऊर सारख्या ठिकाणी आणि मिरा-भाईंदर मनपा क्षेत्रातही केला जाणार आहे.- आ. प्रताप सरनाईक