ऐन दिवाळी सणाच्या पार्श्वभूमीवर एसटीची १०℅ भाडेवाढ

04-Nov-2023

Total Views | 36

मुंबई : महाराष्ट्र राज्य परिवहन महामंडळाने दिवाळीच्या हंगामात भाडेवाढ जाहीर केली आहे. या हंगामी भाडेवाढीद्वारे दिवाळीनिमित्ताने होणाऱ्या गर्दीचा फायदा उठविण्यासाठी एसटी महामंडळाकडून सर्व बस प्रकारच्या तिकीट दरात सरसकट १० टक्क्यांची भाडेवाढ करण्याचा निर्णय घेण्यात आला आहे. दरम्यान, ही ही भाडेवाढ ७ नोव्हेंबरच्या मध्यरात्रीपासून म्हणजे ८ नोव्हेंबर ते २७ नोव्हेंबर दरम्यान लागू राहणार आहे.

दरम्यान, राज्यातील एसटी महामंडळाच्या हंगामी भाडेवाढ करण्याच्या निर्णयामुळे पर्यटनानिमित्त प्रवास करणाऱ्यांना प्रवाशांना या दरवाढीचा चांगलाच फटका बसणार आहे. तसेच, दरवर्षी एसटी महामंडळ महसूलवाढीसाठी सुट्यांच्या दिवसात परिवर्तनशील हंगामी भाडेवाढ करीत असते.

तसेच, या हंगामी भाडेवाढ मुदतीनंतर मूळ तिकीट दराप्रमाणे तिकीट आकारणी सुरू होईल. तसेच, ज्या प्रवाशांनी आगाऊ तिकीट आरक्षण केले आहे, त्यांच्या तिकीटाची उर्वरित फरकाची रक्कम प्रत्यक्ष प्रवास करताना वाहकाकडे भरावी लागणार आहे, असे एसटी महामंडळाकडून सांगण्यात आले आहे.

Maharashtra State Transport Corporation Maharashtra Government of Maharashtra Diwali Festival