गणेशोत्सवासाठी कोकणात जातायं? वाचा काय आहे नियमावली!

रत्नागिरी : गणेशोत्सवानिमित्त कोकणात जाणाऱ्यांसाठी जिल्हा प्रशासनाने कोरोना नियमावली जाहीर केली आहे. कोविडच्या काळात होणारा गणेशोत्सव निर्विघ्नपणे पार पडावा यासाठी जिल्हा प्रशासन सज्ज असल्याची माहिती यावेळी देण्यात आली. चाकरमान्यांचा खोळंबा होऊ नये यासाठी नियोजन सुरू आहे. तसेच कोरोनाचा प्रसार होणार नाही यासाठी उपाययोजना करण्यात आल्या आहेत. कोरोना चाचणी करूनच बहुतांश जण कोकणात येत आहेत.

१८ वर्षाखाली तसेच दोन लस घेणाऱ्या व्यक्ती आणि प्रवासापूर्वी ७२ तासांपूर्वी आरसीपीटीआर चाचणी निगेटिव्ह असणाऱ्यांना थेट प्रवेश आहे. यापूर्वी इतरांचे पत्ते नोंदवून घेण्याची स्वतंत्र व्यवस्था आहे. रेल्वेस्थानक तसेच जिल्ह्यात येताना अँन्टीजेन करण्यासाठी वेळ असेल अशा सर्वांसाठी यंत्रणा सुसज्ज करण्यात आली आहे. त्या ठिकाणी तपासणी न करणाऱ्यांना त्यांच्या गावांमध्ये तपासणी करता येणार आहे. तपासणीत पॉझिटिव्ह असल्यास संस्थात्मक विलगीकरणाची सोय आहे.