पुष्कर श्रोत्रीच्या ५० व्या वाढदिवसानिमित्त रंगणार ‘पुष्कर शो THREE’

यामध्ये पुष्कर श्रोत्री यांच्या सध्या सुरु असलेल्या ‘आम्ही आणि आमचे बाप’, ‘अ परफेक्ट मर्डर’, ‘हसवा फसवी’ या तीन नाटकांचा महोत्सव दिनानाथ मंगेशकर नाट्यगृह, विलेपार्ले येथे येत्या ५ मे रोजी होणार आहे. विशेष म्हणजे महोत्सवातील तीनही प्रयोगाचे उत्पन्न सामाजिक संस्थांना दिले जाणार आहे.

दिवसभर चालणाऱ्या ‘पुष्कर शो THREE’ या नाट्य महोत्सवातून प्रत्येक संस्थेला जास्तीत जास्त रक्कम मिळवून देण्याचा पुष्कर श्रोत्री यांचा मानस आहे. अभिनेता म्हणून आपण मला आजपर्यंत दाद दिली आहे, या प्रयोगाच्या निमित्ताने मला साथ देऊन प्रयोग हाऊसफुल करावेत असे आवाहन पुष्कर श्रोत्री यांनी केले आहे.