रेल्वेरुळावर डिटोनेटर्स ठेवणारा आरोपी गजाआड
Total Views |
भोपाळ : मध्य प्रदेशातील बरहानपूर येथे रेल्वेरुळावर तब्बल १० डिटोनेटर्स आढळल्याचा धक्कादायक प्रकार घडला होता. भारतीय लष्करांचे सैनिक आणि अधिकारी ज्या रेल्वेतून प्रवास करत होते. यावेळी रेल्वे रूळावर धावणाऱ्या रेल्वेचा अपघात करण्याचा कट रचण्यात आला होता. यासाठी डिटोनेटर्स रेल्वे रुळाखाली ठेवण्यात आले होते. याप्रकरणी आता आरोपी साबीरला पोलिसांनी ताब्यात घेतले असून ही घटना १८ सप्टेंबर रोजी घडली होती.
प्रसारमाध्यमानुसार, रेल्वे कर्मचारी साबीरला सोमवारी २३ रोजी अटक करण्यात आली. याप्रकरणात नॅशनल इन्वेस्टिगेशन एजन्सी, एटीएस आणि आरपीएफने याप्रकरणी चौकशी केली होती.
डिटोनेटर रेल्वे रूळावर ठेवल्याने लष्करांविरोधात हा कट असल्याचे बोलले जात आहे. तसेच याप्रकरणात साबीरच्या अटकेची रेल्वे मंत्रालयाने दखल घेत चौकशीचे आदेश देण्यात आले आहेत. संबंधित डिटोनेटर हे लष्करांच्या रेल्वेरुळाखाली सापडल्याने या बाबीचे गांभीर्य लक्षात येते.
घटनेची थोडक्यात माहिती
ही घटना बरहानपूर नेपानगर भागात १८ सप्टेंबर रोजी सागफाट येथून लष्करी जम्मू काश्मीरहून कर्नाटकाकडे जात होती. यावेळी रेल्वेरुळावर अचानकपणे स्फोट झाला. यावेळी रेल्वे चालक अर्थातच लोको पायलटने रेल्वे थांबवली होती. यामुळे अपघात होण्याची शक्यता टळली होती. ही बाब तात्काळ नियंत्रण कक्षाला कळवण्यात आली होती. त्यानंतर यंत्रणांनी याप्रकरणी तपास सुरू केला होता.