घाटकोपर दुर्घटनेवरुन राजकारण तापलं! होर्डींगचा मालक ठाकरेंच्या घरात; भाजपचा आरोप

    14-May-2024
Total Views | 422
 
Thackeray & Bhavesh Bhide
 
मुंबई : सोमवारी घाटकोपरमध्ये वादळी पावसामुळे होर्डींग कोसळून झालेल्या दुर्घटनेत अनेक निष्पाप लोकांचा बळी गेला. दरम्यान, या होर्डींगचा मालक भावेश भिडे याचा उद्धव ठाकरेंसोबतचा एक फोटो भाजपकडून ट्विट करण्यात आला आहे. त्यामुळे या दुर्घटनेवरून सध्या राज्यातील राजकारण तापलं आहे. तसेच उबाठा गटाचे नेते अरविंद सावंत आणि भावेश भिडेचा एक फोटोही सध्या व्हायरल होत आहे.
 
 
 
भाजप नेते राम कदम यांनी आपल्या 'X' अकाऊंटवर भावेश भिडे आणि उद्धव ठाकरेंचा एक फोटो पोस्ट केला आहे. या पोस्टमध्ये राम कदम म्हणाले की, "१४ लोकांच्या निष्पाप बळीला जबाबदार हाच तो भावेश भिडे.. श्रीमान उद्धव ठाकरे यांच्या घरात.. मनाला चीड आणणारे हे चित्र.. त्या अनधिकृत होर्डिंगला संरक्षण कोणाचे होते हे या चित्रावरून स्पष्ट होते.. टक्केवारीसाठी कोविड काळातले खिचडी चोर.. कफनचोर.. आजही १४ लोकांचे नाहक बळी घेत आहेत.. कुठे फेडणार हे पाप..?" असा सवाल त्यांनी केला आहे.
 
हे वाचलंत का? -  घाटकोपर दुर्घटना : राऊतांच्या भावाचा होर्डींग मालकाशी संबंध?
 
सोमवार, १३ मे रोजी मुंबईत अचानक आलेल्या वादळी पावसामुळे हाहाकार उडाला होता. यातच घाटकोपर परिसरात वादळी वाऱ्यामुळे पेट्रोल पंपावर होर्डींग कोसळून त्यात १४ लोकांचा मृत्यू झाला. या होर्डींग कंपनीचा मालक भावेश भिडे हा फरार झाला असून त्याच्यावर गुन्हा दाखल करण्यात आल्याचे सांगण्यात येत आहे.
 
दरम्यान, याबाबत एक एक माहिती उघड होताना दिसत आहे. हे होर्डींग बेकायदेशीर असून महापालिकेने याआधीच ते हटवण्याचे आदेश दिले होते. परंतू, होर्डींग मालकाने ते हटवले नसल्याचे सांगण्यात येत आहे. त्यामुळे या प्रकरणाची उच्चस्तरीय चौकशी करण्याची मागणी करण्यात येत आहे.
 
 
 
अग्रलेख
जरुर वाचा
सामाजिक न्यायासाठी परखड आवाज : आमदार अमित गोरखे

सामाजिक न्यायासाठी परखड आवाज : आमदार अमित गोरखे

सामाजिक न्याय या मूल्याला कृतीत उतरवण्यासाठी आणि अनुसूचित जाती-जमातींच्या प्रश्नांना विधायक वळण देण्यासाठी ज्यांनी जनमानसाशी थेट संवाद ठेवला, अशा आ. अमित गोरखे यांना २०२५ सालच्या पावसाळी अधिवेशनात विधान परिषदेचे तालिका सभापती म्हणून पहिल्यांदाच कामकाज पाहण्याची संधी मिळाली. या विशेष अनुभवाबरोबरच त्यांनी ‘सरकारची भूमिका’, ‘उपवर्गीकरणाचा मुद्दा’, ‘अस्पृश्यतेचे प्रश्न’, ‘धर्मांतरविरोधी धोरण’ आणि ‘महाराष्ट्र जनसुरक्षा कायदा’ यांसारख्या संवेदनशील विषयांवर अत्यंत स्पष्ट आणि ठाम भूमिका मांडली. दै. ‘मुंबई तरुण ..

Email

admin@mahamtb.com

Phone

+91 22 2416 3121