चित्रपटसृष्टीतील गानकोकीळा म्हणून ओळखल्या जाणाऱ्या दिवंगत गायिका भारतरत्न लता मंगेशकर यांना गमावून अवघे १० दिवसही झाले नव्हते आणि आज गायक - संगीतकार बप्पी लहरींनी देखील जगाचा अखेरचा निरोप घेतला.
बप्पी लहरी हे लता मंगेशकर यांना आपली आई मानत असत.
लतादीदींना जाऊन अवघे दोन आठवडेही पूर्ण झाले नाहीत आणि अशातच बॉलीवूडमध्ये डिस्को म्युजिक ला एक नवी ओळख देणारे आणि गोल्ड मॅन म्हणून ओळखले जाणारे गायक आणि संगीतकार बप्पी लहरी यांनीदेखील आपला कायमचा निरोप घेतला आहे.
बप्पी लहरी हे मंगेशकर कुटुंबियांच्या अगदी जवळचे होते हे तर आपल्या सर्वानाच माहिती आहे. पण वयाच्या अवघ्या सतराव्या वर्षी बप्पीदांनी आशा आणि उषा मंगेशकर यांना एका गाणे शिकवले होते. कारण ते गाणं स्वतः बप्पीदांनीच त्यांच्या साठी बनवले होते.
लता दीदींच्या निधनाची खबर मिळताच बप्पी लहरींनी आपल्या सोशल मीडियावर लतादीदींचा एक फोटो शेअर करत लतादीदींना "माँ" असं संबोधलं होत.
परंतु लता दीदी आणि बप्पी लहरींच्या अश्या आकस्मित निधनाने संगीतसृष्टीने आपले दोन अनमोल हिरे गमावले हे मात्र नक्की.