प्राचीन मंदिरात कट्टरपंथी युवकांकडून अश्लिल रिलचं शुटिंग

 

 (Photo Credit : Wikipedia) 

 

लखनऊ : उत्तरप्रदेशमधील अमरोह जिल्ह्यात भगवान कृष्णकालीन मंदिरात अश्लिल (Reel Shoot) रिल्स शूट  करण्यात आले. यामुळे अमरोह जिल्ह्यातील हिंदूंच्या भावना दुखावल्या आहेत. अमरोह जिल्ह्यातील युट्यूबर्स दिलशाद आणि अझीम यांच्यावर रिल्स अश्लिल रिल्स बनवल्याचा आरोप करण्यात आला. या घटनेची पोलिसांनी दखल घेतली आहे. २ ऑगस्ट रोजी याप्रकरणाचा तपास सुरू होता. अमरोह येथील कोतवाली नगर पोलीस ठाणे हद्दीत आहे. येथे शुक्रवारी पोलीस उपनिरिक्षक परशुराम यांनी पोलीस ठाण्यात फिर्याद दिली.

 

व्हिडीओमध्ये मंदिर दिसत असलेल्या ठिकाणी दोन तरूण दिसत आहेत. यामधील एका तरूणाने महिलांचे कपडे घातलेले दिसत आहेत. या व्हिडीओची चौकशी केली असता, ज्याठिकाणी हा व्हिडिओ बनवण्यात आला ते स्थळ अमरोह जिल्ह्यातील असून वासुदेवाचं मंदिर आहे. या दोघांनीही धार्मिक स्थळी अश्लील व्हिडिओ बनवला असल्याचा पोलिसांच्या तपासात आढळून आले.

 

 

 

हा व्हिडिओ सध्या सोशल मीडियावर व्हायरल देखील होत आहे. दिलशाद आणि अजीम, अशी रिल्स शूट करणाऱ्यांची नावे आहेत. पोलिसांनी दोघांवर एफआयआर दाखल करण्यात आली. या दोघांवर भारतीय न्यासंहिता कलम (BNS) कलम २९६ आणि आयटी कायद्याच्या कलम ६७ लावण्यात आले. दोघांचा तपास सुरू आहे. दरम्यान दिलशाद हा सोशल मीडियावर जॉर्डन डीएस हे अकाऊंट हँडल करतो. तो फेसबुक, युट्यूब आणि इंस्टाग्रामवर सक्रीय असतो.

 

दरम्यान त्याने एका दुचाकीवरून वेगवान जात असलेले रिल्स सोशल मीडियावर शेअर केले आहेत. या दुचाकवरील क्रमांक दिसत नाही. अमरोह जिल्ह्यातील वासुदेव मंदिर हे हिंदूंचे पवित्रस्थान आहे. याच मंदिरात रिल्सच्या नावाखाली अश्लीलता पसरवली जात आहे.