रामनवमीच्या मिरवणुकीवर ४० वर्षांपासून बंदी; मिरवणुक काढताच अमनला काँग्रेसी सरकारकडून अटक!

नवी दिल्ली : झारखंड पोलिसांनी दि.१४ जून २०२४ रोजी हजारीबाग जिल्ह्यातील हिंदू कार्यकर्ते अमन कुमार उर्फ ​​अमन बाबाला अटक केली. अमनवर दि. १२ एप्रिल २०२४ रोजी रामनवमीसाठी मिरवणूक काढल्याचा आरोप आहे. बरकागाव-महुडीमध्ये गेल्या ४० वर्षांपासून रामनवमीची मिरवणूक कधीच निघाली नव्हती, मात्र यंदा अमनने ही मिरवणूक काढली होती. त्यामुळे काँग्रेस आणि झारखंड मुक्ती मोर्चाच्या सरकारच्या पोलिसांनी अमन आणि इतर अनेक लोकांविरुद्ध एफआयआर नोंदवला होता.

अमनच्या अटकेनंतर त्याच्या आईने सांगितेले की, रस्त्याच्या जागेवरून झालेल्या वादामुळे बरकागावमध्ये गेल्या ४० वर्षांपासून रामनवमीची मिरवणुक होत नव्हती.पण यावेळी अमनने रथ बांधला आणि तो हजारीबाग ते रांचीपर्यंत स्वतःच्या हातांनी ओढला. दरम्यान सरकार आणि काही नेत्यांना अमनची लोकप्रियता पचनी पडली नाही, असे त्याच्या आईचे म्हणणे आहे. प्रशासनाने मिरुवणुक रोखण्यासाठी सर्व तयारी केली होती ज्यासाठी अमनला एप्रिल २०२४ मध्ये अटक करण्यात आली होती. प्रशासनाने मार्गावर बॅरिकेड्स लावून पोलिस बंदोबस्त तैनात केला होता. यावेळी पोलीस आणि भाविकांमध्ये झटापट झाली. वाहनांची तोडफोड आणि दगडफेक करण्यात आली, त्यात काही लोक जखमी झाले.