दो धागे श्रीराम के लिए!

अयोध्येतील श्रीराम जन्मभूमी मंदिरातील श्रीरामाच्या मूर्तीसाठी पुण्यात वस्त्र विणले जाणार

    07-Aug-2023
Total Views | 186
Pune To Weave Vastras for Ram Lalla

पुणे
: अयोध्येतील श्रीराम जन्मभूमी मंदिराशी संबंधित कार्यात आपला निदान खारीचा वाटा असावा, आपलाही या कार्यात हातभार लागावा, अशी अनेक नागरिकांची इच्छा आहे, हेच लक्षात घेत श्रीराम जन्मभूमी तीर्थ क्षेत्र-अयोध्या आणि हेरीटेज हँडविविंग रिवायवल चॅरिटेबल ट्रस्ट-पुणे यांच्या संयुक्त विद्यमाने 'दो धागे श्रीराम के लिए...! हा उपक्रम हाती घेण्यात आला आहे. या अंतर्गत १० ते २२ डिसेंबर दरम्यान पुण्यामधे अयोध्येतील श्रीराम जन्मभूमी मंदिरातील रामाच्या मूर्तीसाठी नागरिकांना वस्त्र विणण्यामध्ये प्रत्यक्ष सहभाग घेता येणार आहे. याबरोबरच या १३ दिवसांमध्ये याच ठिकाणी अनेकविध, भव्य कार्यक्रमांचे आयोजन देखील करण्यात येणार असल्याची माहिती श्रीराम जन्मभूमी तीर्थ क्षेत्राचे कोषाध्यक्ष स्वामी गोविंद देव गिरी व हेरिटेज हँडविविंग रिवायवल चॅरिटेबल ट्रस्टच्या संचालिका अनघा घैसास व अध्यक्ष विनय पत्राळे यांनी पुण्यात पत्रकार परिषदेत दिली.

दरम्यान, अनघा घैसास यांनी संपूर्ण कार्यक्रमाची संकल्पना सांगितली. त्यांच्या गेल्या दोन वर्षांच्या अथक प्रयत्नांनी आणि आदरणीय स्वामी गोविंददेवगिरींच्या आशिर्वाद व संपूर्ण पाठींब्यानी हा कार्यक्रम पुण्यात साकार होत आहे. १९८५ नंतर अनेक प्रकारे श्रीराम जन्मभूमीच्या कार्यात वेळोवेळी नागरिकांनी उत्स्फूर्त सहभाग नोंदविला आहे. याच शृंखलेतील नवा अध्याय म्हणून अयोध्येतील श्रीराम जन्मभूमी मंदिरातील श्रीरामाच्या मूर्तीसाठी वस्त्र विणण्याचा 'दो धागे श्रीराम के लिए" ...! हा अद्भुत अविष्कार पुण्यात साकारला जात आहे. भारतीय समाजातील अनेकविध जाती, पंथ, प्रांतातील नागरिक आपले आर्थिक स्तर आणि भाषिक विविधता यांच्या सीमा ओलांडून रामरायासाठी वस्त्र विणायला एकत्र येऊन जाज्वल्य राष्ट्रभक्तीचे उत्तम उदाहरण जगासमोर ठेवतील.
 
या अंतर्गत १० ते २२ डिसेंबर दरम्यान कार्यक्रमस्थळी भव्य मंडप उभारला जाईल. येथे देशभरातील प्रत्येक राज्यांतून १-१ तमाग इथे येईल, इतकेच नाही तर, नेपाळसह इतरही काही देशांमधून हातमाग येणार आहेत. काही महानुभावांच्या हस्ते पहिले काही धागे विणले जातील व नंतर कोणीही येऊन आपल्या श्रद्धेचे व विश्वासाचे दोन धागे या मागांवर विणू शकतील. वस्त्र विणण्याआधी नागरिकांना ते कसे विणावे याचे प्रात्यक्षिक दाखवले जाईल. आपल्याकडे वैदिक काळापासून हातमागाचे उल्लेख सापडतात. आपल्या संस्कृतीचा अविभाज्य भाग असलेल्या हातमागकलेचा प्रसार व्हावा व पुढच्या पिढीपर्यंत ही वैभवशाली कला पोहोचावी, हा सुद्धा या कार्यक्रमाचा हेतू आहे. संतांच्या उपस्थितीत या उपक्रमाला १० डिसेंबर रोजी विधीपूर्वक होमहवनाने सुरुवात होईल. या वेळी अनेक मान्यवर उपस्थित राहत या सेवेत सहभागी होतील. देवी देवतांची वस्त्रे कशी असावीत याबद्दल वेदांमध्ये उल्लेख आहेत. त्याच पद्धतीने हे वस्त्र देखील विणण्यात येणार आहेत.

वस्त्र विणण्यासोबतच कार्यक्रमाच्या ठिकाणी “श्रीरामासंबंधित” व्याख्याने, भजन, कीर्तन व सांस्कृतिक कार्यक्रम यांचे आयोजन करण्यात येणार आहे. याबरोबरच श्रीराम मंदिराचा संपूर्ण इतिहास सांगणारे चित्रप्रदर्शन देखील या ठिकाणी असेल. सकाळ-संध्याकाळ महाआरती व महाप्रसादाचे आयोजन करण्यात येणार आहे. तरी सर्व रामभक्तांनी जातीपातीच्या चौकटीतून बाहेर येऊन एक भारतीय या नात्याने आपल्या श्रद्धेचे व विश्वासाचे दोन दोन धागे या वस्त्रात विणण्यासाठी यावे असे आवाहन करण्यात आले आहे.


अग्रलेख
जरुर वाचा
सामाजिक न्यायासाठी परखड आवाज : आमदार अमित गोरखे

सामाजिक न्यायासाठी परखड आवाज : आमदार अमित गोरखे

सामाजिक न्याय या मूल्याला कृतीत उतरवण्यासाठी आणि अनुसूचित जाती-जमातींच्या प्रश्नांना विधायक वळण देण्यासाठी ज्यांनी जनमानसाशी थेट संवाद ठेवला, अशा आ. अमित गोरखे यांना २०२५ सालच्या पावसाळी अधिवेशनात विधान परिषदेचे तालिका सभापती म्हणून पहिल्यांदाच कामकाज पाहण्याची संधी मिळाली. या विशेष अनुभवाबरोबरच त्यांनी ‘सरकारची भूमिका’, ‘उपवर्गीकरणाचा मुद्दा’, ‘अस्पृश्यतेचे प्रश्न’, ‘धर्मांतरविरोधी धोरण’ आणि ‘महाराष्ट्र जनसुरक्षा कायदा’ यांसारख्या संवेदनशील विषयांवर अत्यंत स्पष्ट आणि ठाम भूमिका मांडली. दै. ‘मुंबई तरुण ..

Email

admin@mahamtb.com

Phone

+91 22 2416 3121