केंद्र सरकार मुस्लिमबहुल मेवातमध्ये आरएएफचे कायमस्वरुपी स्टेशन उभारणार - अमित शाह

02-Aug-2023

Total Views | 119

नवी दिल्ली : केंद्र सरकार हरियाणाच्या मेवातमध्ये रॅपिड अॅक्शन फोर्स (आरएएफ) चे विशेष आणि कायमस्वरूपी स्टेशन स्थापन करणार आहे. मुस्लिमबहुल असलेला हा जिल्हा अंतर्गत सुरक्षेच्या दृष्टीने अत्यंत संवेदनशील मानला जातो. मीडिया रिपोर्टनुसार, केंद्रीय गृहमंत्री अमित शाह लवकरच आरएएफच्या कायमस्वरूपी स्टेशनची पायाभरणी करणार आहेत.

३१ जुलै २०२३ रोजी मेवातच्या नूह येथे हिंदूंच्या जलाभिषेक यात्रेवर कट्टरपंथी जमावाने हल्ला केला. गोळीबार, दगडफेक आणि जाळपोळ झाली. हिंदू भाविकांना कित्येक तास ओलिस ठेवण्यात आले. फर्स्टपोस्टने सूत्रांच्या हवाल्याने म्हटले आहे की, गुरुग्रामच्या खासदारांनी केंद्रीय मंत्री अमित शहा यांची भेट घेतली आहे.

यावेळी त्यांनी मेवात येथे आरएएफच्या कायमस्वरूपी कॅम्पची त्यांची जुनी मागणी त्यांच्यासमोर मांडली. शाह यांनी लवकरच पायाभरणी करण्याचे आश्वासन दिल्याचे सांगण्यात येत आहे. राव इंद्रजीत सिंह यांनी २०१४ मध्ये मेवातच्या तौरू येथे झालेल्या जातीय हिंसाचारानंतर ही मागणी केली होती.

त्यावेळी हा प्रस्ताव तत्कालीन गृहमंत्री राजनाथ सिंह यांच्याकडे पाठवण्यात आला होता. त्याला त्यांनी तत्वतः मान्यताही दिली होती. शिबिरासाठी उंद्री गावाची निवड करण्यात आली. मात्र तेव्हापासून हे प्रकरण प्रलंबित आहे. आता अमित शाह यांनी लवकरात लवकर आरएएफ कॅम्पची स्थापना करण्यात येणार असल्याचे सांगितले आहे.