ठामपाच्या १४ सहायक आयुक्तांची चौकशी गुलदस्त्यात

ठाणे : ठाण्यातील अनाधिकृत बांधकाम प्रकरणी ठाणे महापालिकेच्या १४ आजी माजी सहाय्यक आयुक्तांची चौकशी करून त्यासंदर्भातील अहवाल सादर करण्याचा ठराव दोन वर्षांपूर्वी महापालिकेच्या सभागृहात करण्यात आला होता. मात्र,अद्याप ही चौकशी गुलदस्त्यात असून चौकशीचे गु-हाळ सुरूच असल्याने अहवालांना केवळ 'तारीख पे तारीख' मिळत आहे. आता महेश आहेर या अधिकाऱ्याची चौकशी सुरु आहे. तेव्हा, या चौकशांचे गौडबंगाल बनले असल्याची टीका होऊ लागली आहे.

ठाणे महापालिकेचे वादग्रस्त अधिकारी महेश आहेर यांची चौकशी करण्यासाठी ठाणे महापालिकेकडून समितीची स्थापना करण्यात आली असून पुढील तीन आठवडे या समितीकडून चौकशी केली जाणार आहे. यापूर्वी कोरोना काळात ठाणे शहरात अनाधिकृत बांधकामांचा सुळसुळाट झाला होता. याच मुद्यावरुन दोन वर्षांपूर्वी स्थायी समिती, महासभेत गदारोळ झाला होता. परंतु ज्या ज्या सहाय्यक आयुक्तांच्या कार्यकाळात अनाधिकृत बांधकामे झाली, अशा सर्व आजी - माजी सहाय्यक आयुक्तांची चौकशी करुन कारवाई करावी, असा ठराव झाला होता.

त्यानंतर मागील काही दिवसांपासून या सहाय्यक आयुक्तांची चौकशी तत्कालीन समितीमार्फत सुरु आहे. जे शासनाकडून आलेले सहाय्यक आयुक्त होते, त्यांची चौकशी शासनामार्फत सुरु आहे. तर उर्वरीत अधिकाऱ्यांची चौकशी ठाणे महापालिकेमार्फत सुरु