भारतीय कर्मचाऱ्यांच्या पगारात ९.८ टक्क्यांनी वाढ?, 'WTW'चा अहवाल

03-Nov-2023

Total Views | 44

Willis Towers Watson Public Limited Report

मुंबई : जगभरात मंदीचे सावट असताना जागतिक व्यापारात याचा परिणाम दिसून आला. रशिया-युक्रेन युध्द असो की, इस्त्रायल-पॅलेस्टाईन युध्द याचा परिणाम जगाच्या आर्थिक व्यवहारांवरदेखील झाला. त्यामुळे काही देशांत महागाईने पुन्हा एकदा डोके वर काढले होते. दरम्यान, भारतातील कंपन्या आपल्या कर्मचाऱ्यांच्या पगारात वाढ करतील, असा अंदाज विलिस टॉवर्स वॉटसन पब्लिक लिमिटेड या विमा सेवा प्रदान करणाऱ्या कंपनीने वर्तविला आहे.

दरम्यान, विलिस टॉवर्स वॉटसन पब्लिक लिमिटेडच्या वेतन बजेट नियोजन अहवालानुसार, भारतीय कंपन्या आपल्या कर्मचाऱ्यांना २०२४ मध्ये अंदाजे ९.८ टक्क्यांनी पगारवाढ मंजूर करतील असा अंदाज आहे तर हा आकडा २०२३ मध्ये अनुभवलेल्या १० टक्क्यांच्या वाढीशी सुसंगत आहे. यामुळे भारतात कर्मचाऱ्यांच्या पगारवाढीबाबत अनुकूलता असल्याचे अहवालात सांगण्यात आले आहे.

तसेच, WTWच्या म्हणण्यानुसार, भारतीय कंपन्या २०२४ मध्ये आशिया पॅसिफिक प्रदेशात सर्वाधिक भरीव पगारवाढ देऊ करण्याच्या तयारीत आहेत, ही वस्तुस्थिती भारतीय अर्थव्यवस्था आणि तिथल्या कर्मचाऱ्यांसाठी सकारात्मक बाब असल्याचे WTWने आपल्या अहवालात नमूद केले आहे. तर BFSI क्षेत्रात कार्यरत असलेल्या कंपन्या, किरकोळ आणि बंदिवानांना 2023 मध्ये पाहिल्या गेलेल्या वास्तविक पगारवाढीच्या तुलनेत अधिक भरीव पगार वाढ अपेक्षित आहे.