ठरलं! 'या' सहा दिवसांत पार पडणार पावसाळी अधिवेशन!

मुंबई : फडणवीस-शिंदे सरकारमधील मंत्र्यांच्या शपथविधीनंतर आता महाराष्ट्र विधिमंडळाचे पावसाळी अधिवेशन १७ ते २५ ऑगस्ट या कालावधीत पूर्ण होणार आहे. विधीमंडळ कामकाज सल्लागार समितीत हा निर्णय ठरला. पावसाळी अधिवेशन सहा दिवस चालणार आहे. १७ ऑगस्ट रोजी पुरवणी मागण्या आणि अध्यादेश पटलावर ठेवले जाणार आहेत. इतर दिवशी पुरवणी मागण्यांवर चर्चा आणि मतदान होणार आहे.

दरम्यान, पावसाळी अधिवेशनातही शिंदे विरुद्ध ठाकरे, असा सामना रंगणार असल्याची चर्चा आहे. विधानसभा कामगाज सल्लागार समितीत कॅबिनेट मंत्री दादा भूसे आणि उदय सामंतांचा सामावेश करण्यात आला. विधान परिषद सल्लागार समितीत माजी मंत्री अनिल परब आणि अंबादास दानवे यांचा सहभाग करण्यात आला. दरम्यान, सरकारला धारेवर धरण्याची रणनिती ठरविण्यासाठी विरोधी पक्ष नेते अजित पवार यांच्या प्रमुख उपस्थितीत विरोधी पक्षांची बैठक बोलविण्यात आली आहे.